MERRYLAND
KANTIPUR COLLEGE

विराटनगरमा २२ करोडको लागतमा मानव सेवा आश्रमको भवन बन्ने

खबर पूर्वाञ्चल, ८ बैशाख २०७८, बुधबार १७:४०
2.77k
Shares

विराटनगर / विराटनगर–५ मा २२ करोडको लागतमा मानव सेवा आश्रमको तीन भवनको निर्माणको शिलान्यास गरिएको छ ।

सडक जीवन विताइरहेका सहयोगापेक्षीहरुलाई उचित बसोबासका लागि मानव सेवा आश्रमले २२ करोडको लागतमा तीन भवन को आज शिलान्यास गरिएको हो ।

कविर सेवा आश्रमले मानव आश्रममा सहयोगापेक्षीहरुलाई व्यवस्थित बसोबास गर्नका लागि उपव्ध गराएको छ कठठ जग्गामा आगामी एक वर्षभित्र भवन निर्माण हुने छ । उक्त स्थानमा ५५ कोठाको तीन भवनहरु बालगोपाल, लक्ष्मी र नारायण नामाकरण गरि निर्माण गरिने भएको छ ।

मिस वल्र्ड नेपाल श्रृङ्खला खतिवडा सङलग्न रहेको गाथा डिजाइन समूहले २७ हजार वर्ग फिट फिट रहने गरी भवनको नक्सा निर्माण गरेको हो । प्रदेश १ सरकारको सामाजिक विकास मन्त्रालय, विराटनगर महानगरपालिका , मोरङ र सुनसरीका उद्योगपति, व्यापारी, नागरिक समाजले उक्त भवन निर्माणका लागि आवश्यक पर्ने रकम चन्दाको रुपमा दिने छन् ।

विराटनगर महानगरपालिकाका प्रमुख भीम पराजुली लगायत विभिन्न उद्योगपति, नागरिक समाज लगायत अन्य गन्यमान्यले व्यक्त्तिगत रुपमा एक÷ एक कोठाका लागि १ करोड ७४ लाख रकम सहयोगमा ३४ बटा कोठा निर्माण गर्ने प्रतिवद्धता व्यक्त गरे । महानगरका प्रमुख पराजुली, उपप्रमुख इन्दिरा कार्की,कविर आश्रमका जग्गा दाता सुशिला खड्का भट्टराई,मानव सेवा आश्रमका संयोजक रामजी अधिकारी, मिस व्लर्ड नेपाल खतिवडा, कलाकारहरु दीपा श्री निरौला, मनोज गजुरेज, आनि छोइङ डोल्पा लगायतले संयुक्त रुपमा भवनको छ स्थानमा शिलान्यास गरे ।

सो अवसरमा महानगरप्रमुख पराजुलीले सहयोगापेक्षीहरुको बाँकी जीवन सुखमय बनाउन आश्रम निर्माणले सहयोग पु¥याएको धारणा राखे । उनले यस क्षेत्रका सवै दयालु मनहरुलाई जोड्न सफल भएकोमा खुशी व्यक्त्त गर्दै तोकिएको समयमा उद्घाटन गर्न समेत यसले उर्जा प्राप्त गर्ने विचार व्यक्त्त गरे ।

सामाजिक विकास मन्त्रालय सचिव गोविन्दबहादुर कार्की,कलाकारहरु निरौला, गजुरेल, डोल्मा, पूर्व प्रहरी अधिकृत रमेश खरेल लगायतले सडकमा खाना, छाना र नाना विना जीवन यापन गरिरहेका सहयोगापेक्षीहरुलाई सम्मानपूर्वक वसोवासको व्यवस्था गर्न लागेकोमा खुशी व्यक्त्त गरे ।

यसैगरी आश्रम निर्माणका लागि विराट व्यपार सङ्घले दुई लाख ५० हजार तथा ११ जनाले १ लाख ११ हजार १ सय ११ का दरले आश्रमको वार्षिक भोजनको आजीवन सदस्यता दिने भएको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

SAGARMATHA
GREENLAND
Export
ORCHID
ARNIKO
Arya-hospital-add-banner
खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: khabarpurwanchal6600@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५