बागी उम्मेद्वारलाई प्रेस युनियन मोरङद्वारा कारवाहीको सिफारिस

हचुवाको भरमा उम्मेदवार छाने पछि मैले बागी उम्मेदवार दिएको हो–उमा
खबर पूर्वाञ्चल, २४ चैत्र २०७७, मंगलवार १६:३१

विराटनगर / चैत २५ गते हुने नेपाल पत्रकार महासंघ मोरङको निर्वाचनमा प्रेस यूनियन र प्रेस सेन्टरको संयुक्त गठबन्धनका उम्मेदवार विरूद्ध बागी उम्मेद्वार दिने दुई जनालाई प्रेस यूनियन कारवाहीको लागि सिफारिस केन्द्रमा सिफारिस गरेको छ ।

नेपाल प्रेस युनियन मोरङका उपाध्यक्ष जितेन्द्र नारायण ठाकुर र सदस्य उमा थापा (पोखरेल) लाई कारवाहीको लागि प्रेस युनियन मोरङले केन्द्रमा सिफारिस गरेको हो ।

ठाकुरले नेपाल पत्रकार महासंघ मोरङको समावेशी सह–सचिवमा र उमाले महिला उपाध्यक्षको दावेदार गर्दा गर्दै उनीहरुलाई संगठनले वेवास्ता गरेपछि बागी उम्मेदवारी दिएका थिए ।

नेपाल पत्रकार महासंघको निर्वाचनमा नेपाल प्रेस यूनियन मोरङ र प्रेस सेन्टरको संयुक्त गठबन्धन बनेको छ । उक्त गठबन्धनको आधिकारीक उम्मेदवारमा महिलातर्फ उपाध्यक्ष युनियनकी तारा आचार्य र समावेशी सह–सचिवमा सेन्टरका अनिल श्रेष्ठलाई अगाडी सारिएको छ । उमाले आफ्नै संगठनको आधिकारीक उम्मेद्वार आचार्यविरुद्ध उपाध्यक्षमा र ठाकुरले गठबन्धनका आधिकारीक समावेशी सह–सचिवका उम्मेदरवार श्रेष्ठविरुद्ध बागी उम्मेदवारी दर्ता गराएपछि प्रेस यूनियनले कारवाहीको सिफारिस केन्द्रीय कार्यालयमा पठाएको प्रेस युनियन मोरङका अध्यक्ष भोजराज बस्नेतले जारी गरेको विज्ञप्तीमा उल्लेख छ ।

‘आधिकारीक उम्मेदवारविरुद्ध बागी हालेपछि निलम्बनको सिफारिस गरिएको हो,’ अध्यक्ष बस्नेतले जारी गरेको विज्ञप्तीमा उल्लेख छ ।

यता निलम्बरमा परेकी उमाले यो निलम्बर हास्यपद रहेको टिप्पनी गरिन् । उनले भनि मैले महिला उपाध्यक्षमा पहिलेदेखिनै दावेदार गर्दा गर्दै संगठनले मलाई एक बचन नसोधि हचुवाको भरमा उम्मेदवार छाने पछि मैले असन्तुष्टि जनाउँदै बागी उम्मेदवार दिएकोे बताइन् । अर्का बागि उम्मेदवार ठाकुरले संगठनले मलाई ढिलो कारवाही गरेको जनाए । कारवाही संगठनको प्रक्रिया मात्र रहेको ठाकुर बताउँछन् ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

arniko
kantipur
pabson Brt
GREDED
siddharth
brithfutur
PABSON MORANG

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५