खबर पूर्वाञ्चल
तीन जना साझेदार साथीको हत्याको आरोपमा प्रहरीले आज साँझ थप एक जनालाई पक्राउ गरेको हो । पक्राउ परेका सुनसरी घर भएका प्रतिवादी रहेका छन् । अनुसन्धानको लागि थप एक जना पक्राउ परेको मोरङ प्रहरी प्रमुख एसपी जनार्दन जिसीले पुष्टि गरेका छन् । तर, थप पक्राउ परेका व्यक्तिको नाम भने प्रहरीले गोप्य राखेको छ । यस घटनामा अब दुई जना पक्राउ गर्न बाँकी रहेको छ ।
बिहीबार प्रहरीले मुख्य योजनाकारसहित तीन जना पक्राउ गरि आज ११ बजे पत्रकार सम्मेलन गरि सार्वजनिक गरेको छ । प्रहरीले हत्या आरोपमा पक्राउ परेका मण्डलसहित मोरङको जहदा गाउँपालिका ४ सिस्वनी बस्ने २९ वर्षिय अमित साह भनिने दिनानाथ सोनार र धनपालथान गाउँपालिका ७ कमलपुरका ६२ वर्षिय नासिर आलम छन् ।
पत्रकार सम्मेलन गरेपछि घटनामा थप संलग्न एक जनलाई पक्राउ गरेको हो । पक्राउ परेका व्यक्ति हत्या गरेपछि उखुबारीमा खाडल गर्ने रहेको घटनाको अनुसन्धान गर्दै आएका एक प्रहरी अधिकृतले जानकारी दिए ।
ललितपुरको क्यान्सर अस्पताल नजिक रहेको २५ रोपनी ७ आना जग्गा बैंक ग्यारेन्टी मिलाएवापत आउने १ करोड ५० लाख रुपैयाँ ‘कमिशन’ एक्लै हत्याउन मण्डलले फरक फरक मितीमा तीन जना साझेदार साथीको हत्या गरेको प्रहरीको अनुसन्धानदेखि खुलेको हो ।
मण्डलले आधा दर्जन भाडाका पेसेवर अपराधि झिकाएर एउटै शैलीमा तेह्रथमु संक्रान्ति २ घर भइ काठमाण्डौ बस्दै आएका ६३ वर्षिय मोहन लिम्बु, सुनसरीको धरान घर भइ भक्तपर बस्दै आएका ४८ वर्षिय राजेन्द्र श्रेष्ठ र सप्तरीको शम्भुनाथ नगरपालिका ४ घर भइ काठमाण्डौं बस्दै आएका ३२ वर्षिय शम्भु कुमार चौधरीको हत्या गरेको मोरङ प्रहरी प्रमुख एसपी जर्नादन जिसीले जानकारी दिए ।
