खबर पूर्वाञ्चल
फन फिस्ता कार्यक्रममा १२ वटा स्टलहरु राखिएको थियो। परम्परागत एवं आधुनिक जिवन शैली, आर्य संस्कृति, फलफूल तथा सागसब्जीबाट बनाइएको विभिन्न सामाग्रि, कागज र प्लास्टिकका पुराना सामग्री, तारामंडल, नवीकरणीय स्रोत, होलोग्रामलगायत विभिन्न खेलकुदहरूका स्टलहरुमा अभिभावकहरूको बाक्लो उपस्थिति र सहभागिता रहेको थियो।
विजेताहरूले पुरस्कारका साथै सेल्फी जोनमा पारिवारिक फोटो खिच्न पाउने व्यवस्था पनि गरिएको थियो। सास्कृति कार्यक्रममा अभिभावकहरूको अत्याधिक धेरै रुचि देखियो । स साना नानीबाबू हरुले संगीत नृत्य र गायनका माध्यमबाट आफ्ना अभिभावकहरुलाई मन्त्रमुग्ध पारेका थिए । यस्ता कार्यक्रमले बाल बालिका भित्र लुकेर रहेको प्रतिभालाई प्रस्फुटन गराउन मद्दत गर्नुका साथै साथै पारस्परिक सम्बन्ध र सदभाव बढाउन मद्दत गर्ने कार्यक्रमका प्रमुख अतिथि खेम नेपालीले बताए। यस्तो कार्यक्रमले बालबालिकाहरूको आत्मविश्वास बढाउनुका साथै अनुभवी र क्षमतावान् बनाउने स्कुलका अध्यक्ष मदन खतिवडाले बताए।
