विराज महर्जनले लिए संन्यास

खबर पूर्वाञ्चल, १६ चैत्र २०७७, सोमबार २०:५०

विराटनगर / डिफेन्डर विराज महर्जनले अन्तर्राष्ट्रिय फुटबलबाट सन्यास लिएका छन् ।

घरेलु मैदानमा भएको त्रिदेशीय फुटबल कपको फाइनलपछि विराजले सन्यास लिएका हुन् । ३१ वर्षीय विराजले यो प्रतियोगितापछि सन्यास लिने यसअघि नै बताइसकेका थिए ।

खेलको ८९औँ मिनेटमा त्रिदेव गुरुङको स्थानमा वैकल्पिक खेलाडीका रूपमा मैदान प्रवेश गर्दै विराजले राष्ट्रिय टोलीबाट बिदा लिएका हुन् । उनको यो ७३ औँ राष्ट्रिय खेल थियो । विराजले ट्रफी उचाल्दै राष्ट्रिय टोलीबाट बिदा लिए ।

विराजले राष्ट्रिय टिममा डेब्यू गरेको १३ वर्षपछि संन्यास लिएका हुन् । उनले सन् २००८ मार्च २५ मा पाकिस्तानविरूद्धको मैत्रीपूर्ण खेलबाट राष्ट्रिय टिममा डेब्यू गरेका थिए ।

३० वर्षीय विराज एन्फा एकेडेमीका उत्पादन हुन् । त्रिपुरेश्वरका स्थायी बासिन्दा विराजले सन् २००७ बाट थ्रीस्टार क्लबबाट व्यवसायिक फुटबल यात्रा सुरू गरेका थिए ।

थ्री स्टारबाट ९ वर्ष खेलेपछि उनी २०१६ मा मनाङ मस्र्याङ्दी क्लबमा आबद्ध भएका थिए । सन् २०१९ मा उनी मच्छिन्द्र क्लबमा पुगे ।

उनले खेलेका तीन वटा क्लबबाट लिग जित्ने अवसर पाए ।

अनिल गुरूङले संन्यास लिएपछि विराज नेपाली टिमको नियमित कप्तानको भूमिकामा देखिए । तर टिममा नियमित स्थान बनाउन भने सकेनन् ।

विराजले नेपालले तीन वटा उपाधि जित्दा नेतृत्व गरे । नेपालले बंगबन्धु गोल्डकप, १२ औं साग र सोलिडारिटी कप जित्दा उनी मैदानमा कप्तानको भूमिकामा थिए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

arniko
kantipur
pabson Brt
GREDED
siddharth
brithfutur
PABSON MORANG

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५