खबर पूर्वाञ्चल
विराटनगर ११ स्थित साकेला थानमा आज उक्त पुस्तक विमोचन गरिएको हो । किरात राई समुदायको प्रथाजनित कानुन नामक पुस्तकको विमोचन प्रदेश १ का मुख्यमन्त्री शेरधन राई र धरान उपमहानगरपालिका प्रमुख तिलक राईले गरेका थिए ।१ सय ४५ पेज रहेको उक्त पुस्तकमा किरात राईहरूको लोप हुँदै गएको प्रथाजनित कानुनहरू समावेश गरिएको छ । पत्रकार राईले गाउँबस्तीहरुमा सिमित रहिरहेका किरात राई समुदायको प्रथाजनित कानुनहरुलाई अध्ययन गरी दस्ताबेजीकरण गरेर पुस्तकको रुपमा प्रकाशन गरेको बताए ।
यस पुस्तकबाट किरात राईहरुको र समग्र किराती समुदायको मौलिक संस्कार, संस्कृति परम्परागत प्रथाजन्य कानुनहरुलाई संरक्षण र विकास गर्ने कार्यमा कोशेढुङ्गा साविक हुने बताइएको छ । पत्रकार राईले लामो समयपछि गहन अनुसन्धान गरि उक्त पुस्तक लेखेको उनले बताए।
