खबर पूर्वाञ्चल
उर्लाबारी, मधुमल्ला, इटहरा र मंगलबारेका औषधी व्यवसायीहरूकोे भेलाले उपसमितिको संयोजकमा देबेन्द्र धिमाल चयन भएका छन् । धिमालको संयोजत्वमा सात सदस्य समिति सर्वसम्मत रूपमा गठन भएको हो । समितिको उपसंयोजक दिल्लीप्रसाद दाहाल रहेका छन् । उपसमितिको अन्य सदस्यहरूमा लक्ष्मीकुमारी आचार्य, दिनेश भट्टराई, पशुराम बस्नेत, लोलिम लिम्बु र राम तिम्सिना रहेका छन् ।
नेपाल औषधी व्यवसायी संघ मोरङका अध्यक्ष लक्ष्मी तिम्सिनाको नेतृत्वमा गएको पदाधिकारीहरूले पूर्वी क्षेत्रको तीन वटा स्थानिय तहको विभिन्न ठाउँमा रहेका व्यवसायीहरूलाई समेटर उपसमिति बनाएको हो ।
कार्यक्रममा बोल्दै संघका अध्यक्ष तिम्सिनाले औषधी व्यवसायमा देखिएको बिकृती बिसंगतीहरूको अत्य गरि मर्यादित व्यवसाय संचालन गरिनुपर्नेमा जोड दिए । संघका उपाध्यक्ष तथा प्रवक्ता देशबन्धु ढकालले विराटनगर बाहेक नेपाल औषधी व्यवसायी संघ मोरङको पाँच वटा उपसमिति गठन हुने जानकारी दिए ।
मोरङको पूर्व क्षेत्रको तीन वटा स्थानिय तहमा रहका औषधी व्यवसायीहरूलाई समेटर उर्लाबारीमा संघको पहिलो पटक उपसमिति गठन भएकोले आउँदा दिनमा अन्य क्षेत्रमा पनि क्रमश उपसमिति बन्दै जाने ढकालले बताए ।
