पूर्वाञ्चल खबर
सुनसरीका ६७ वर्षीय पुरुष र इलामका २५ वर्षीय युवाको मृत्यु भएको हो । इलाम– १ का युवाको उपचारका क्रममा बीपी कोइराला स्वास्थ्य विज्ञान प्रतिष्ठान धरानमा हिजो राति ९ः३० बजेतिर मृत्यु भएको हो । प्रतिष्ठानका अनुसार पीसीआर परीक्षण गराउँदा मंसिर ५ गते कोरोना संक्रमण पुष्टि भएको थियो ।
कोरोना पुष्टि भएपछि थप उपचारका लागि प्रतिष्ठानमा भर्ना गरिएको थियो । प्रतिष्ठानले मृतकको शव व्यवस्थापनका लागि प्रक्रिया अघि बढाइएको जनाएको छ ।
त्यस्तै प्रतिष्ठानमा उपचाररत सुनसरीका ६७ वर्षीय संक्रमित पुरुषको आज बिहान ६ः४० बजे मृत्यु भएको हो । कात्तिक २६ गते कोरोना संक्रमण पुष्टि भएका उनलाई मंसिर १ गते अस्पताल भर्ना गरिएको थियो ।
