पूर्वाञ्चल खबर
नेपाल औषधी व्यवसायी संघ मोरङ, झापा र सुनसरीले संयुक्त रूपमा आज एक कार्यक्रम आयोजना गरि हेल्प डेक्स सञ्चालनमा ल्याएका हुन् ।
हेल्प डेक्सको शुभराम्भ नेपाल औषधी व्यवस्था विभाग विराटनगरका प्रमुख संजिव शर्मा कट्टेटलले गरे । कार्यक्रममा बोल्दै उनले सेवाग्राहीलाई सहज रुपमा छिटो क्षरितो तरिकाले सेवा प्रभाह गर्दै आएको बताए । हेल्प डेक्स सञ्चालनमा आएपछि सेवाग्राहीलाई थप सहज हुने उनको भनाई छ ।
लकडाउन सुरू भएयता बन्द भएपछि झापा, मोरङ र सुनसरीका औषधी व्यवसायीहरूले एक जना प्राविधिक राखेर सञ्चालनमा ल्याएको नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले जानकारी दिए । हेल्प डेक्स सञ्चालनमा आएपछि व्यवसायीहरूको अनलाइन फर्मदेखि पसलको नविकरण र नयाँ पसल दर्ताको प्रक्रियामा सहजता प्रदान हुने उनले बताए । औषधी व्यवस्था विभाग विराटनगर शाखाबाट दैनिक ५० जना सेवाग्राहीलाई सेवा प्रदान गर्दै आएको छ ।
