खबर पूर्वाञ्चल
प्रहरीले विक्री गर्ने तयारी गरेको रक्सी, कच्चा पदार्थ र सामाग्रीहरू आज बरामद गरेको हो ।
पाथीभरा टोल बस्ने साईमन तामाङको घरमा अवैध मदिरा उत्पादन गरिरहेको भन्ने गोप्य सूचना आएपछि वडा प्रहरी कार्यालय विराटनगर डिएसपी वेदप्रसाद गौतम र प्रहरी चौकी बखरीबाट खटिएको प्रहरी टोलीले अवैध रक्सी बरामद गरेको मोरङ प्रहरीले जनाएको छ ।
प्रहरीले रक्सी बनाउने चार हजार लिटर कच्चा पदार्थ, ४० लिटर घरेलु मदिरा र मदिरा निर्माण गर्न प्रयोग गरिएका भाँड बरामद गरेको वडा प्रहरी कार्यालय विराटनगरका डिएसपी गौतमलले बताए । प्रहरीले बरामद गरेको रक्सी आवश्यक कारवाहीको लागि आन्तरिक राजश्व कार्यालय विराटनगरमा बुझाउने भएको छ ।
यस्तै सोही दिन मोरङ बुढिगंगा गापा ६ कोरिया चोक स्थितबाट पनि १ सय ६० लिटर घरेलु मदिार बरामद गरेको छ । प्रहरी चौकी कोयलपुरबाट खटिएको टोलीले उतरबाट दक्षिणतर्फ जाँदै गरेको को २ ह ५९८० नम्बरको टेम्पुमा अन्दाजी १६० लिटर घरेलु मदिरा गरेको मोरङ प्रहरीले जनाएको छ । प्रहरीले मदिरा सहित टेम्पु चालक बुढिगंगा गापा १ बस्ने २३ वर्षिय सुमन भुजेल र सवार बेलबारी नपा ११ बस्ने बर्ष ४० कि मिना तामाङ, सोही ठाउँका की सबिता राईलाई नियान्त्रणमा लिएको छ ।
