प्रदेश–२ मा अनलाईनबाट क्रिकेट गतिविधि सुरु गर्दै

खबर पूर्वाञ्चल, २४ जेष्ठ २०७७, शनिबार १९:२७

जनकपुर / प्रदेश २ मा क्रिकेट संघले कोरोना भाईरसको महामारीको कारण स्थगित क्रिकेट गतिविधि अनलाईनबाट सुचारु गर्ने भएको छ ।

प्रदेश–२ क्रिकेट संघले खेलाडी दर्तादेखि अम्पायर तालिम र खेलाडीको फिटनेस प्रशिक्षणलगायतका काम अनलाईनबाट गर्ने निर्णय गरेको हो । नेपाल क्रिकेट संघ (क्यान) का कोषाध्यक्ष रोशनबहादुर सिंहको उपस्थितिमा अनलाईनमार्फत बसेको प्रदेश–२ को बैठकले यस्तो निर्णय गरेको हो । बैठकले आफ्नो मातहतमा रहेको ८ वटै जिल्लाका खेलाडीको दर्ता अनलाईनबाट गराउने निर्णय गरेको छ । इन्टरनेटको पहुंच नभएका खेलाडीले भने आफ्नो जिल्ला क्रिकेट संघमा लिखित फाराम भर्न पाउने प्रदेश २ क्रिकेट संघका कोषाध्यक्ष आयुष श्रेष्ठले जानकारी दिए ।

प्रदेशले क्रिकेट खेलाडीको आवश्यकता र भविष्यको मध्यनजर गर्दै यही जेष्ठ २५ गते खेलाडीसँग अन्तरक्रिया कार्यक्रम गर्ने जनाएको छ । प्रदेश क्रिकेटले अम्पाएर तथा स्कोरीङ तालिमसंगै खेलाडीको फिटनेस तालिम समेत सञ्चालन गर्ने तयारी गरेको छ । नेपाल सरकारको लकडाउन मोडालिटी पालना गर्दै यस कार्यक्रमहरु सञ्चालन गरिने संघले जनाएको छ ।

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५