कोरोना भाइरसको उपचारपछि निको हुने सङ्ख्या ४ पुग्यो

खबर पूर्वाञ्चल, ७ बैशाख २०७७, आईतवार १९:३२

विराटनगर / नेपालमा नोबेल कोरोना भाइरस अर्थात कोभिड १९ को उपचारपछि निको हुनेको सङ्ख्या ४ पुगेको छ ।

स्वास्थ्य तथा जनसङ्ख्या मन्त्रालयका प्रवक्ता डा विकास देवकोटाले निको भएर डिस्चार्ज हुनेको सङ्ख्या बढ्दै गएको बताए । उनका अनुसार धनगढीस्थित सेती प्रादेशिक अस्पतालमा उपचाररत एक २१ वर्षीय युवक आज निको भएर घर फर्किएका छन् । यसअघि हिजो काठमाडौँको शुक्रराज ट्रपिकल तथा सरुवा रोग अस्पताल टेकुमा २७ दिनदेखि उपचार गराइरहेकी १९ वर्षीया युवती र बागलुङको धौलागिरी अस्पतालमा १८ दिनदेखि उपचार गराइरहेकी बागलुङ नगरपालिका–३ गौंडाकोटकी ६५ वर्षीया महिला कोरोनाको उपचारपछि डिस्चार्ज भएका थिए ।

नेपालका पहिलो कोरोना सङ्क्रमित भने गत माघमा डिस्चार्ज भएका थिए । कोरोना सङ्क्रमित अरु २७ जनाको भने मुलुकका बिभिन्न अस्पतालमा उपचार भइरहेको र उनीहरू सबैको स्वास्थ्यअवस्था सामान्य रहेको प्रवक्ता देवकोटाले बताए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५