पूर्वाञ्चल खबर
थ्रोट स्वाव अन्तर्गत संकलित २११ नमूनाहरु परीक्षणका लागि कोशी अस्पताल विराटनगर र वीपी कोइराला स्वास्थ्य विज्ञान प्रतिष्ठानमा पठाएकोमा २२ जनाको रिपोर्ट आउन बाँकी रहेको मुख्यमन्त्री तथा मन्त्रिपरिषद् कार्यालय, कोरोना सूचना डेस्कले जानकारी दिएको छ
यसैगरी कोरोना भाइरस भए नभएको छिटो पत्ता लगाउन गरिने र्यापिड डाइग्नोष्टिक टेस्ट(रगत) अन्तर्गत आज भएको नमूना संकलन परीक्षणमा ९३ जनाको रिपोर्ट नेगेटिभ आएको छ । उक्त नमूना संकलनमा जम्मा ७ महिला सहित ९३ जनाको परीक्षण गरिएको सूचना डेस्कले जनाएको छ।
प्रदेश अन्तर्गतका विभिन्न जिल्लामा सञ्चालनमा आएको क्वारेन्टाइनमा राखिएका नागरिकको (आरडिटी)को टेष्टका लागि स्वास्थ्यकर्मीहरु परिचालन गर्ने कार्य जारी रहेको छ।
मोरङ,झापा र उदयपुरमा रहेका क्वारेन्टाइनमा बसेका नागरिकको नमूना सङ्कलन गरिएको सूचना केन्द्रले जानकारी दिएको छ । प्रदेशका क्वारेन्टाइनमा शनिवारसम्म ५९२ रहेका छन् भने आइशोलेसनमा १० जनालाई राखिएको छ । यसैगरी होम क्वारेन्टाइन अन्तर्गत तीन हजार ४१७ जना नागरिक बसिरहेको सूचना डेस्कले जनाएको । प्रदेशका विभिन्न स्थानमा रहेका आइशोलेसनबाट २२ र क्वारेन्टाइनबाट ५५ जना घरफर्केका छन् ।
