सहारा नेपालद्धरा ५० लाख रुपैयाँ कोरोना कोषमा जम्मा गर्ने घोषणा

खबर पूर्वाञ्चल, २१ चैत्र २०७६, शुक्रबार १९:१३

विराटनगर / कोरोना भाइरस संक्रमण रोकथाम नियन्त्रण र उपचारका लागि सरकारले स्थापना गरेको जनसुरक्षा कोषमा सहारा नेपाल बचत तथा ऋण सहकारी सस्थाले ५० लाख रुपैयाँ जम्मा गर्ने घोषणा गरेको छ ।

कोरोनाको महामारीसँग जुधिरहेको सरकारलाई साथ दिनका लागि सहकारीले सामाजिक उतरदायित्व अन्तरगत ५० लाख रुपैयाँको सहकार्य साथै राहत प्याकेज घोषणा गरेको सहकारीले बिज्ञप्ती जारी गरेर जनाएको छ ।

प्रदेश १ का ६ जिल्लामा लगूबित्त र बैकिंग दुवै मोडलमा बचत तथा ऋणको कारोबार गरिरहेको सहकारीले यस अघि कोरोना राहात कोषमा २० लाख रुपैयाँ दिने घोषणा गरेको थियो ।

सस्था आज २५ औ बर्ष पुगेको अवसरमा थप ३० लाख रुपैयाँ राहात कोषमा जम्मा गर्ने निर्णय गरेको सहारा नेपाल बचत तथा ऋण सहकारी सस्थाका प्रमुख कार्यकारी अधिकृत महेन्द्र कुमार गिरीले बताए ।

यस विपतको घडीमा प्रदेश सरकार, स्थानीय तह, विपत व्यस्थापन समन्वय समितिहरुको सहकार्यमा आइसोलेशन, क्वारेन्टाइनमा बसेका, र बिपन्न परिवारका लागि खाद्यान्नका लागि सहयोग होस भनेर सहकारीले आर्थीक सहयोग गरेको गिरीले बताए । उनले सुरक्षाकर्मी र स्वास्थयकर्मीका लागि आवश्यक पर्ने पीपीइ खरिदमा सहयोग होस भनेर यस अघि नै सहारा कर्मचारी मानविय सहायता कोषमा रहेको २० लाख रुपैयाँ दिने घोषणा गरिएमा शुक्रबार थप ३० लाख रुपैयाँ कोषमा जम्मा गर्ने निर्णय भएको बताए ।

झापा मोरङ सुनसरी उदयपुर, पाँचथर र इलाम जिल्लामा सहकारी मार्फत काम गरिरहेको सस्थाले सहारा कर्मचारी मानवीय सहायता कोषबाट आजै बाट उद्घाटन भएको कोशी अस्पताल कोभिड १९ उपचार केन्द्रका लागि चार लाख रुपैयाँ बराबरको खाद्यान्न उपलब्ध गराएको छ ।

केन्द्रमा उपचारका लागि बस्ने स्वास्थ्यकर्मी, कर्मचारी, सुरक्षाकर्मी उपचार गराउन आउन सक्ने बिरामीका लागि भनेर चार लाखा रुपैयाँ बराबरको खाद्यान्न उपलब्ध गराएको हो ।

केन्द्रका लागि १ महिनाका लागि पुग्ने चामल,दाल तेल आलू प्याज, चना, चिउरा, भुजा, नुन चिनी, पानी, साबुन लगायतका सामाग्री सस्थाले आफैले किनेर उपलब्ध गराएको हो ।

प्रदेश १ सरकारसँगको समन्वयमा एक महिनाका लागि पुग्ने गरि सामान किनिएको सस्थाले जनाएको छ ।

सहारा नेपाल बचत तथा ऋण सहकारी सस्थाका इलाका प्रमुख ओम साहले अस्पताल उद्घाटनका क्रममा प्रदेश १ सरकारका मुख्यमन्त्री शेरधन राइ र सामाजिक विकास मन्त्री जीवन घिमिरेलाइ सो खाद्य सामाग्री हस्तान्तरण गरे ।

कोरोना उपचारका लागि स्थापना गरिएको अस्पतालका लागि आवश्यक पर्ने खाद्यान्नको लिष्ट र परिणाम सामाजिक विकास मन्त्रालयले उपलब्ध गराएको थियो ।

यस्तै शुक्रबार मुख्यमन्त्री शेरधन राईलाई मोरङको टाँडी स्थित क्वारेन्टाइनमा बस्दै आएकाहरुलाई १ महिनाका लागि खाद्यान्न उपलब्ध गराउन १ लाख ५१ हजार रुपैयाँको चेक साहारा नेपालले हस्तान्तरण गरेको छ ।

इलाका प्रमुख साहले प्रदेश सरकारले स्थापना गरेको कोरोना जनसुरक्षा कोषमा जम्मा हुनेगरि एक लाख ५१ ह्जार रुपैयाँको चेक हस्तान्तरण गरेक हुन् ।

सहकारीले बाँकी रकम प्रदेश सरकारसँगको समन्वयमा हस्तान्तरण गर्दै जाने सहकारीका प्रमुख कार्यकारी अधिकृत महेन्द्रकुमार गिरीले बताए ।
यस अघि पनि सहाराले बाढीका कारण घरबार विहिन भएकाहरुलाई घर बनाउने काम गरेको थियो ।

सदस्यलाई सापटी र हर्जना छुटको राहत प्याकेज
कोभिड १९ को महामारीका कारण लकडाउनमा परेका आप्mना सदस्यहरुलाई सस्थाले बिना व्याज सापटी कार्यक्रम ल्याएको छ ।

लगूबित्त समुहमा रहेका गरिब तथा विपन्न परिवारलाई लक डाउनका कारण दैनिकी चलाउन समस्या भएको भन्दै सस्थाले बिना व्याज ५ हजार रुपैयाँसम्म सापटी दिने कार्यक्रम ल्याएको छ ।
१ लाख ४० हजार लगूबित्त समुहमा सदस्य रहेको सस्थाले यो कार्यक्रमका लागि ७ करोड रुपैयाँ छुट्याएको सस्थाका कार्यकारी अधिकृत गिरीले बताए । उनले २ महिनासम्म सदस्यहरुले बिना व्याज सो रकम सापटीको रुपमा चलाउन पाउने छन् । सस्थाले सदस्यहरुको सेवाका लागि कर्मचारी मार्फत सो सेवा पुर्याउने छ ।

यसैगरि कोरोना भाइरस संक्रमण नफैलियोस भनेर लकडाउन गरेपछि सदस्यको आय आर्जन नभएको भन्दै चैत महिनाको किस्ता र व्याज बैशाख भरिमा बुझाउन पाइने जनाएको छ । बैशाख भरिमा बुझाउँदा कुनै पनि हर्जना नलाग्ने सस्थाले जनाएको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५