आजदेखि एक साताकालागि सिमा नाका पूर्णरूपमा बन्द

खबर पूर्वाञ्चल, १० चैत्र २०७६, सोमबार ०८:२७

विराटनगर / कोरोना भाइरसको संक्रमण हुन नदिन सरकारले छिमेकी मुलुक भारत र चीनसँग जोडिएका सबै नाका आज देखि पूर्णरूपमा बन्द गरिएको छ ।

हिजो साँझ प्रधानमन्त्री केपी ओलीको अध्यक्षतामा मन्त्रिपरिषदले बसेको मन्त्रिपरिषद्को बैठकले सीमा नाका बन्द गर्ने निर्णय गरेसँगै आज विहानैबाट मोरङको रानीसँगै देशभरका नाकामा कडाई गरिएको छ ।

नागरिक तहबाट सीमानाका बन्द गर्नुपर्ने आवाज उठेपनि सरकारले भारतसँग परामर्श भइहरेको भन्दै त्यसबारे निर्णय गर्न सकेको थिएन । आन्तरिक यातायात बन्द गर्ने निर्णय गरेको सरकारले खुल्ला सीमा बन्द नगर्दा जोखिम बढ्दै गएको थियो ।

भारतमा कोरोनाको कारण ७ जनाको मृत्यु भइसकेको तथा नेपालसँग सीमा जोडिएका उत्तर प्रदेश र विहारमा पनि कोरोना देखिएकोले सीमा बन्द हुनुपर्ने आवाज उठिरहेको पछि आजदेखि एक साताका लागि सबै नाका बन्द गर्ने निर्णय भएको बताइएको छ ।

नाकाबाट आवत जावतमा रोक लगाए पनि ढुवानी लगायतका सामान आयातमा भने कुनै रोकावट नहुने सरकारका प्रवक्ता एवं अर्थमन्त्री डा. युवराज खतिवडाले बताए । भारतबाट हुलका हुल नेपाली घर फर्किन थालेपछि कोरोना भाइरसको जोखिम बढेको भन्दै सरकारको आलोचना भएको थियो ।

नाका भएका जिल्लालाई आइतबारनै गृह मन्त्रालयले परिपत्रसमेत गरेको छ । विश्व स्वास्थ्य संगठनले नेपाल–भारत सीमा नाका बन्द गराउन नेपाललाई सुझाव दिँदै आएको थियो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

arniko
pabson Brt

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५