जीपी कोइराला फाउण्डेशनमा ई–लाइब्रेरी

खबर पूर्वाञ्चल, ७ चैत्र २०७६, शुक्रबार २१:५४

विराटनगर / विराटनगरस्थित जीपी कोइराला फाउण्डेशनमा ई–लाइब्रेरी स्थापना गरिएको छ ।

गिरिजाप्रसाद कोइरालाको १० औं स्मृतिको दिवसको अवसरमा आज आयोजित कार्यक्रममा फाउण्डेशनकी केन्द्रीय अध्यक्ष तथा पूर्व उपप्रधानमन्त्री सुजाता कोइरालाले इलाइब्रेरीको उद्घाटन गरिन् ।

लाइब्रेरीमा शिक्षा, स्वास्थ्य, धर्मग्रन्थ, इतिहास, साहित्यलगायतका पुस्तकहरू निःशुल्क पढ्न पाउने व्यवस्था गरिएको अध्यक्ष कोइरालाले जानकारी दिइन् । उनले भनिन्, “लाइब्रेरीमा सबै किसिमका पुस्तक पढ्ने व्यवस्था मिलाएका छौं । राष्ट्रिय मात्रै अन्तर्राष्ट्रिय साहित्य, राजनीति, इतिहासलगायतलाई लाइब्रेरीमा समावेश गरिएको छ ।”

लाइब्रेरी उद्घाटनसँगै फाउण्डेशनले कोरोनाविरुद्ध सचेतना कार्यक्रम पनि आयोजना गरेको थियो । कार्यक्रममा कोसी अस्पतालका डा लक्ष्मीनारायण यादवर नोवेल हस्पतालका डा. नविन यादवले कोरोना संक्रमणबाट बच्न अपनाउनुपर्ने सावधानी र हात धुने तरिकाबारे जानकारी दिएका थिए ।

कार्यक्रममा नेपाली कांग्रेसका केन्द्रीय सदस्य डा. शेखर कोइराला, मोरङ कांग्रेसका सभापति डिगबहादुर लिम्बू, विराटनगर महानगरपालिकाकी उपमेयर इन्दिरा कार्की, फाउण्डेसन प्रदेश–१ की संयोजक इन्दिरा थापालगायतले गिरिजाप्रसाद कोइरालाले नेपालको प्रजातान्त्रिक आन्दोलनमा पु¥याएको योगदानको चर्चा गरेका थिए । कार्यक्रममा सहभागीहरूलाई फाउण्डेशनले मास्क समेत वितरण गरेको थियो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५