पूर्वाञ्चल खबर
विराटनगर /भारतमा आउँदो आइतबार जनता कर्फ्यू घोषणा गरेकीएको छ ।
भारतीय प्रधानमन्त्री नरेन्द्र मोदीले आज साँझमा जनतालाई सम्वोधन गर्दै आइतबार विहान ७ बजेदेखि राती ९ बजेसम्म जनता कर्फ्यू घोषणा गरेका हुन् । उनले जनता कर्फ्यूमा कोही पनि नागरिक घर बाहिर ननिस्कन समेत आग्रह गरेका छन् ।
प्रधानमन्त्री मोदीले कोरोना भाइरसको महामारी रोक्न जनता कर्फ्यूलाई सफल पार्न सवैलाई आह्वान गरेका छन् । जनता कर्फ्यूको दिन साँझ ५ बजे घरको ढोकामा उभिएर ५ मिनेट सवै जनताले ताली, थाल र घण्टी बजाएर नागरिकको हौसला बढाउन समेत आग्रह गरेका छन् ।
संकटको समयमा आफ्नो एक ख्याल राख्न र अस्पतालमा दबाव नबढाउन पनि प्रधानमन्त्री मोदीले टेलिभिजन संबोधनमार्फत आह्वान गरेका छन् ।
