निर्णाय सच्याउन स्वास्थ्यकर्मीको माग

खबर पूर्वाञ्चल, ४ चैत्र २०७६, मंगलवार १९:५१

विराटनगर / प्रदेश १ सरकारले प्रदेश अन्तर्गत स्वास्थ्य कार्यालय खारेज गरी नयाँ संरचनामा बनाउने गरेको निर्णय सच्याउने स्वास्थ्यकर्मीहरूले माग गरेका छन् ।

नेपाल जनस्वास्थ्य संघ १ नम्बर प्रदेशको विराटनगरमा आज बसेको बैठकपछि उनीहरूले विज्ञाप्ती जारी गर्दै यस्तो माग गरेका हुन् ।

नेपाल नजस्वास्थ्य कार्यालय प्रदेश १ कार्यालयका अध्यक्ष अनिल देवको अध्यक्षता र विभिन्न जिल्लाका स्वास्थ्य प्रमुख तथा सामाजिक विकास मन्त्रालयको जनस्वास्थ्य महाशाखाका प्रतिनिधी र अन्य जनस्वास्थ्यकर्मीहरुको उपस्थितीमा बैठक बसेको थियो । उक्त बठैकले अन्य विभिन्न निर्णाय पनि गरेको छ ।

बैठकले सामाजिक विकास मन्त्रीसंग भेटघाट गरी स्वास्थ्य कार्यालय सम्वन्धमा छलफल गर्ने, स्वस्थ्य संग सम्वन्धित सम्पूर्ण पेशागत संघ संगठनको भेला गरी कोरोना र डेंगी जस्ता रोगको रोकथाम र स्वास्थ्य मन्त्रालयको आवश्यकता वारे छलफल गर्ने निर्णाय गरेको अध्यक्ष देवले जानकारी दिए ।

गत विहिबार बसेको प्रदेश १ को मन्त्रीपरिषद बैठकले जिल्ला स्वास्थ्य तथा जनस्वास्थ्य कार्यालय खारेज गरी शिक्षा, स्वास्थ्य र महिला तथा बालबालिकाका क्षेत्र समन्वय गर्ने गरी सामाजिक विकास कार्यालय स्थापना गर्ने निर्णय गरेको थियो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

KVM

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५