कोशी अस्पतालको चार सेवा नयाँ भवनमा, जिर्ण भवन भत्काएर नयाँ बनाउने तयारी

खबर पूर्वाञ्चल, १४ फाल्गुन २०७६, बुधबार १९:३१

विराटनगर / प्रदेश १ को राजधानी विराटनगरमा रहेको कोशी अस्पतालको जिर्ण भवन भत्काएर चार वटा सेवा नयाँ भवन बनाएर दिइने भएको छ ।

अस्पतालको सुपरिटेन्डेन मेसु डा. संगीता मिश्राका अनुसार नयाँ भवन आइसियू, सिसियू, नेफ्रोलोजी र न्यूरोलोजीको सेवा नयाँ भवनबाट हुने जानकारी दिइन् ।

अस्पतालको नयाँ भवन निर्माणका लागि बहुवर्षीय योजना अनुसार संघिय सरकारको संघिय आयोजना कार्यान्वयन इकाई भवन कार्यालयको नाममा चालु आर्थिक वर्षमा ४० करोड रूपैयाँ बजेट बिनियोजन भएको छ । त्यही बजेटबाट अस्पतालले आइसियू, सिसियू, नेफ्रोलोजी र न्यूरोलोजीको सेवाको लागि नयाँ भवन निर्माण हुने जानकारी दिइन् । यसरीमा तयारीमा जुटने उनले बताइन् ।

उनले अस्पतालको सभाहलमा बुधबार प्रदेशको मन्त्री, स्थानिय तहको प्रमुख उपप्रमुख, राजनैतिक दलका नेता, सुराक्षा निकायको प्रमुख, र सरोकारवालाहरू बिच छलफल राखेकी थिइन् । अस्पताल सुधारमा सर्बदलीय बैठक पनि बसेको छ,’ उनले भनिन्, ‘बैठकबाट आएको सुझाब लिएर अगाडी बढनेछु ।’ मास्टर प्लान बनाएर अस्पतालको भौतिक पूर्वाधार विकास र गुणस्तरीय सेवा प्रदानमा अगाडी बढने उनको भनाई छ ।

सर्वदलीय बैठकमा प्रदेश १ का समाजिक विकास मन्त्री जीवन घिमिरेसहित सरोकारवालहरूले अस्पतालको जग्गामा बनेको भवन अस्पतालको स्वामित्वमा ल्याउने र कोशी अस्पतालको सेवा विस्तार र नमुना अस्पताल बनाउन सुझाब दिए । उनीहरूले अस्पतालको सेवालाई विस्तार गरि मास्टर प्लान बनाएर कोशी अस्पताललाई शिक्षण कलेजको रूपमा विस्तार गरिनुपर्नेमा जोड दिए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

NBC

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५