पूर्वाञ्चल खबर
विराटनगर / मुलुकमा समृद्धिको आधार तयार गर्न लोपन्मुख भाषा,संस्कृति ,भेषभूषा संरक्षण हुनुपर्ने सहभागीहरुले जोडदिएका छन् ।
योङ्ग हार्ट ग्रुप मोरङ कटहरी–१ मा आज आयोजित आदिवासी, जनजाती, लिपी , संरक्षण, समृद्धि तथा अनुसन्धान कार्यक्रममा सहभगीहरुले सङ्घीयताको कार्यान्वयनका क्रममा आदिवासी समुदायले आफ्नो धर्म, सस्कृति, भाषा, खाना आदिमा प्रवद्र्धन गर्न राज्यवाट सहयोग प्राप्त भएकोमा खुशी व्यक्त गरे ।
कटहरी गाउँपालिकाका प्रमुख रामकुमार कामतले विभिन्न जातजाति तथा समुदाय वसोवास गर्ने यस क्षेत्रमा उनीहरुको संस्कृति सरक्षण गर्न पालिका सदैव तप्पर रहेको बताए ।
कार्यक्रममा राजवंशी, थारु,शेर्पा, राई, तामाङ, मगर, मडियारी समुदायका गीत तथा नृत्य प्रस्तुत गरिएको थियो ।कार्यक्रम स्थल महेशपुरमा राजवंशी लगायत विभिन्न आदिवासीका खाना, भेषभुषा आदिका विभिन्न १२ वटा स्टल राखिएको छ।
