पूर्वाञ्चल खबर
विराटनगर / भ्रमण वर्ष –२०२० मा विराटनगर नाका भएर आउने भारतीय पर्यटकहरुको खानपानका लागि ‘रेड चिल्ली विरियानी’ खानाको पसल आजदेखि विराटनगरमा सञ्चालनमा आएको छ ।
स्थानीय वासिम शेखद्वारा विराटनगर–६ शनिमन्दिर छेउमा करिव पाँच लाखको लगानीमा खोलिएको पसलमा भारतीय पर्यटकहरुलाई ध्यानमा राखी दिल्लीको दक्ष कारिगरद्वारा स्वादिष्ट रुपमा विरियानी तयार गरि पस्किने गरिएको छ ।
पसलवाट निःशुल्क रुपमा विराटनगर क्षेत्रका घरमा पु¥याउने व्यवस्था समेत गरिएको छ भने कुखुरा तथा खसीको मासुको विरियानी क्रमशः १ सय र २ सयमा उपलव्ध गराइएको छ ।
विराटनगरमा अहिले भारतीय खानाको परिकार रहेको विरियानी ठूला होटल वाहेक रानी मिल्सएरिया, रोडशेष चोक, ट्राफिक चोकलगायतमा अन्य क्षेत्रमा सञ्चालनमा आएको छ ।
स्थानीय युवाहरुलाई विरियानी परिकार वनाउन दक्ष वनाउने तथा १० जनालाई प्रत्यक्ष रोजगारी उपलव्ध गराइएको छ । विराटनगर नाका भएर दैनिक एक हजार भारतीय पर्यटक आउने गरेका छन् ।
