पूर्वाञ्चल खबर
दुहबीमा रहेको ६ ओटा स्वास्थ्य चौकीलाई स्वास्थ्यको मापदण्ड अनुसार अत्याधुनिक स्वास्थ्य उपकरण सहित बर्थिङ सेन्टर (प्रसुती गृह) भएको जानकारी दिँदै ढुक्क भएर सुरक्षित सेवा लिन नगरवासीलाई आग्रह समेत गरे । मेयर गच्छदारले दुहबीको सम्पूर्ण स्वास्थ्य चौकीमा बर्थिङ सेन्टर (प्रसुती गृह) रहेको सुनसरीमै एकमात्र स्थानिय तह रहेको दाबी गरे । साथै उनले अत्याधुनिक भिडीयो एक्सरे मेशिन सहितको सेवाकालागि कार्यपालिकाको बैठकबाट १६ लाख ५० हजार बजेट बिनियोजन गरिसकेकाले विपन्न वर्गकाहरुले प्रत्यक्ष लाभ पाउँने समेत जानकारी । केहि दिन अगाडी सिमरीयामा भएको जनतासँग मेयर कार्यक्रमको निशुल्क आँखा शिविरमा मेयर गच्छदारले आफु मेयर रहुन्जेल जल बिन्दु,मोतीया बिन्दु र आँखामा मासु पलाएका दुहबीबासीहरुकालागि निशुल्क शल्यक्रिया गराउँने प्रतिबद्धता दोहोर्याए ।
दुहबी नगर उपप्रमुख सुनिता दाहाल(साह) दुहबी शिक्षा शाखा प्रमुख निलमणी दाहाल, स्वास्थ्य शाखा प्रमुख बिन्देश्वरप्रसाद मेहता, दुहबी १० का वडाध्यक्ष लधुराम माझी जनता मावि व्यवस्थापन समितिका अध्यक्ष हरीप्रसाद खड्गीले सफा र सुरक्षित प्रसुति सेवा लिन वडावासीहरुलाई आग्रह गरे ।
उपप्रमुख दाहालले उपमेयरसँग आमा सुरक्षा
कार्यक्रम अन्तर्गत सुत्केरीलाई भिटामिन खर्चकालागि ५ सय सहयोग उपलब्ध गराइएकोले त्यसको लाभ लिन आग्रह गरिन् । दुहबी नगरपालिकाले अनिवार्य चार पटक सुत्केरी जाँच गराउँनेलाई ४ सय र १ हजार अतिरिक्त सुत्केरी खर्च समेत दिने गरेको छ । सो अवसरमा स्वास्थ्य क्षेत्रमा उत्कृष्ट काम गरेको भन्दै ७ जना महिला स्वास्थ्य स्वंयसेवीका र दुहबी १० सिमरीया स्वास्थ्य चौकीका पूर्व इञ्चार्ज राजेन्द्र यादवलाई दोसल्ला ओढाइ सम्मान समेत गरिएको थियो ।
