पूर्वाञ्चल खबर
ताप्लेजुङ / ताप्लेजुङको पाथीभरा याङवरक गाउँपालिका १ की ६० बर्षीया संगिता सुनुवार तमोर नदीले बगाएर बेपत्ता भएकी छिन् ।
सोमवार अपरान्ह पौने ५ बजेको समयमा तमोर नदी किनारामा रहेको फेनेबुङ बेशीमा धान काट्न गएकी सुनुवार नदीमा गई पानी भर्ने क्रममा अचानक नदीले बगाउँदा बेपत्ता भएकी हुन् । नदीले बगाएर बेपत्ता भएकी सुनुवारको प्रहरी चौकी मेवाखाबाट खटिएको प्रहरी टोली र स्थानीयवासीको टोलीले खोजतलास गरिरहेको जिल्ला प्रहरी कार्यालय ताप्लेजुङले जनाएको छ ।
