CLASSICTECH NET

ठेट चलचित्र ‘पुरानो बुलेट’ अब अमेरिकमा

खबर पूर्वाञ्चल, २९ श्रावण २०७६, बुधबार १७:१३

क्रेजी इन्टरटेनमेन्ट प्रा.लि.को व्यानरमा निर्माण भएको ठेट नेपाली कथानक चलचित्र ‘पुरानो बुलेट’ अब अमेरिकामा प्रदर्शन हुने भएको छ ।

चलचित्र अमेरिकाको न्यूयोर्कस्थित गुल्सन थिएटर (टेरेस)मा सेप्टेम्बर १ का दिन प्रदर्शन हुनेभएको हो । आर.एण्ड बी. ग्लोबल म्यानेजमेन्ट आई.एन.सी.का राजेन्द्र राई, विजेन्द्र राई र रोस्मन राईले प्रदर्शनको जिम्मा लिएको हो । 

भीषण राईले निर्देशन गरेको चलचित्र ‘पुरानो बुलेट’मा नायक अनुपक्रिम शाही मुख्य लिड रोलमा छन् भने उनलाई वर्षा शिवाकोटी र माला लिम्बुले साथ दिएका छन् । यस्तै अन्य कलाकारहरुमा चर्चित व्याण्ड द एक्सका भोकलिष्ट शिव मुखिया, कविता आले मगर, कृष्णभक्त महर्जन, बारत लिम्बु, शिरोमणि दवाडी, बादल श्रेष्ठ, करण धिताल, मात्रिका पौडेल, लक्षणा राईलगायत रहेका छन् ।

चलचित्रलाई हङकङ, कोरिया र जापानमा पदर्शन हुंदा त्यहाँका दर्शकहरुले अत्यधिक मन पराएका छन् । चलचित्र भर्खरै धरानको गोर्खा सिनेप्लेक्समा च्यारिटी शो गरिएको थियो । त्यहाँ पनि चलचित्रले वाहवाही बटुलिसकेको छ ।

‘चलचित्र अमेरिकाको अन्य स्थानहरुमा पनि प्रदर्शन गरिनेछ ।’ चलचित्रका कार्यकारी निर्माता÷स्क्रिट राइटर सन्तोष राईले भने–‘न्युयोर्कको प्रथम शो पछि अमेरिकाको अन्य स्टेटहरुमा पनि चलचित्र प्रदर्शनको कुरा भइरहेको छ अब चाडै नै अन्य स्थानहरुमा पनि लाग्नेछ ।

चलचित्रलाई विरेन साम्बा, टिकाराम राई, अशोककुमार राई र दिपेन लिम्बुले संयुक्त रुपमा निर्माण गरेका हुन् ।

तपाईको प्रतिक्रिया

AIMS COLLEGE
SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५