CLASSICTECH NET

‘प्याब्सन आँगन’को गायनमा एभरेष्टकी सिरिष्मा, नृत्यमा सगरमाथाका निशान प्रथम

खबर पूर्वाञ्चल, २४ श्रावण २०७६, शुक्रबार १७:३८
प्याब्सन आँगनका विजेतालगायतले सामुहिक तस्वीर खिचाउँदै । तस्वीर :पुष्पराज थपलिया

विराटनगर / ‘प्याब्सन आँगन’ अन्तरगतको गायन प्रतियोगितामा विराटनगरस्थित एभरेष्ट स्कूलकी सिरिष्मा काफ्ले र नृत्यमा सगरमाथा स्कूलका निशान राई प्रथम भएका छन् ।

विराटनगरको सभासृह हलमा आज सम्पन्न भएको प्याब्सन आँगनको फाइलनमा उनीहरूले ९÷९ जना प्रतियोगिहरूलाई पछि पार्दै उपाधि जितेका हुन् ।

प्रतियोगिताको विजेताले नगद १५ हजार रुपैयाँको साथै ट्रफि र प्रमाणपत्र प्राप्त गरेका थिए । प्रतियोगतामा अन्य उपविजेता घोषित भए । यसरी उपविजेता हुने नृत्यतर्फ संस्कृती दाहाल, चिरान्सु शर्मा, सौमिका ढकाल, इसान श्रीपाली, मानस्वी खनाल, टिना थापा मगर, खुशी बज्राचार्य, लावन्ता सुब्बा, र ईक्षा सुब्बा रहेका छन् । यस्तै गायनतर्फ प्राप्ती भट्टराई, सहिमा भुजेल, नेहारिका खनाल, प्रज्ञान तामाङ्ग, अनुभव तिमल्सिना, अनुराग प्रधान, नविन पौडेल, चुली सिंह र सुमिका सरदार रहेका छन् ।

‘सधैको लागि, सवैको लागि, राष्ट्रको शिक्षा, कलाको लागि, प्याब्सन आँगन, प्याब्सन विराटनगर’ मुल नाराको साथ प्याब्सन विराटनगरले आयोजना गरेको प्रतियोगिताको फाइनलमा नृत्य र गायनमा १०÷१० जना पुगेका थिए ।

विद्यालयहरूमा अध्ययरत विद्यार्थीहरूको अन्तर निहित कलाकारिताको दक्षतालाई अभिवृद्धी गर्ने उद्देश्यले आयोजना गरिएको प्रतियोगितामा कक्षा १० सम्म अध्ययरत विद्यार्थीहरूले यो प्रतियोगितामा भाग लिएका थिए । तीन चरणको अडिसन राउण्ड पुरा गरेपछि प्रतियोगि फाइनलमा पुगेका हुन् । प्रतियोगिताको नृत्यतर्फको निर्णायकहरूमा गजित विष्ट, चन्द्र तामाङ्ग र राजेश घिसिङ्ग रहेका थिए भने गायनतर्फ महेन्द्र प्रेम श्रेठ, जेवी थुलुङ्ग रहेका थिए ।

उनीहरुलाई व्याब्सन केन्द्रीय सल्लाहाकार आषिश श्रेष्ठ, व्याब्सन केन्द्रीय सदस्य बासुदेव न्योपाने, व्याब्सन पूर्व केन्द्रीय सदस्य सावीत्री पराजुली, व्याब्सन विराटनगरका अध्यक्ष इन्द्रराईलगायतले पुरस्कार तथा ट्रफि वितरण गरे ।

तपाईको प्रतिक्रिया

AIMS COLLEGE
SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५