CLASSICTECH NET

नर्मल प्रसूती भएको सुत्केरीको नोवेलमा मृत्यु

खबर पूर्वाञ्चल, १५ श्रावण २०७६, बुधबार १७:२६

विराटनगर/ विराटनगरस्थिते नोवेल शिक्षण अस्पतालमा सामान्य प्रसूतिबाटै बच्चा जन्माएकी एक महिलाको मृत्यु भएको छ ।

सुनसरीको रामधुनी नगरपालिका–३ की ३५ वर्षीय पार्वती कार्कीलाई आज विहान साढे तीन बजे अस्पतालले मृत्य भएको हो ।

‘नर्मल डेलिभरी’ बाट दोस्रो सन्तान छोरी जन्माए पनि उपचारका क्रममा चिकित्सकले लापरबाही गरेका कारण मृत्यु भएको आरोप लगाउँदै आफन्तले शव बुझ्न अस्वीकार गरेका छन् । घटनाको विरोधमा आफन्तले अस्पतालमा नारावाजी र प्रदर्शन गर्दै उपचारमा संलग्न चिकित्सकलाई कारबाही हुनु पर्ने माग गरेका छन् ।

पार्वतीलाई प्रसूतिका लागि सोमबार भर्ना गरिएको थियो । मंगलबार विहान उनले दोस्रो सन्तानका रुपमा छोरी जन्माइन् । अत्याधिक रक्तश्राव भएको भन्दै चिकित्सकले उनलाई दिउँसो २ बजे पाठेघरको शल्यक्रिया गर्नु पर्छ भन्दै अप्रेशन थिएटरमा लगेका थिए । शल्यक्रियापछि १७ पिन्ट रगत चढाएकी उनलाई बुधबार विहान भने अस्पतालले मृत घोषणा गरेको आफन्त पुस्बिन अधिकारीले बताए । ‘सामान्य प्रसूतिबाट बच्चा जन्माएकी महिलाको चिकित्सककै लापरबाहीले ज्यान गयो,’ उनले भने, ‘रगत अत्यधिक बगे पनि दुई घण्टासम्म चिकित्सकले वास्तै गरेनन् ।’

अधिकारीले पाठेघरबाट धेरै रगत बगेको जानकारी गराउँदा पनि चिकित्सकले मतलव नगर्दा मृत्यु भएको बताए । ‘एक्कासि बेहोस भएपछि पाठेघरको शल्यक्रिया गर्नु पर्छ भन्दै अप्रेशन थिएटर तिर लगे,’ उनले भने, ‘शल्यक्रियाका क्रममा पनि त्रुटि भएको छ ।’ समयमै ध्यान दिएर चिकित्सकले उपचार सुरु गरेको भए सुत्केरीको मृत्यु नहुने आफन्तको भनाइ छ ।

अधिकारीका अनुसार बच्चा जन्माएको केही समयपछि पार्वतीले खान समेत खान खोजेकी थिइन् । खाना खुवाउन खोज्दा उनी बेहोस भएर ढलिन् । बेहोस भएपछि मात्रै रगत धेरै बगेको भन्दै पाठेघर फ्याल्नु पर्ने भनेर चिकित्सकले लगेको उनको भनाइ छ । ‘वार्डमै पनि रगत रोक्ने प्रयास भएको थियो,’ उनले भने, ‘तर प्रयास सफल नभएपछि शल्यक्रिया गर्ने भन्दै अप्रेशन थिएटर तिर लगियो ।’

बच्चाको स्वास्थ्य अवस्था भने सामान्य रहेको अस्पतालले जनाएको छ । श्रीमान दीपक कार्की वैदेशिक रोजगारीका लागि कतार गएका छन् । कार्की दम्पत्तिको पहिलो सन्तान पनि ७ वर्षकी छोरी नै छिन् ।

अस्पतालका जनसम्पर्क अधिकृत नारायण दाहालले उपचारमा चिकित्सकले लापरबाही नगरेको दाबी गरे । ‘धेरै रगत बगेका कारण मृत्यु भएको जानकारी अस्पताल प्रशासनलाई चिकित्सकले गराएका छन्,’ उनले भने, ‘रगत रोक्नकै लागि गरिएको पाठेघरको शल्यक्रिया सफल हुन भने सकेन ।’ दाहालले भेन्टिलेरमै राखेर बचाउने प्रयास गरिए पनि सम्भव नभएको बताए । यस अघि पनि नोबेलमा घुडाको शल्यक्रिया गरेको सुनसरी दुहबीका अनिलकुमार साहको मृत्यु भएको थियो ।

तपाईको प्रतिक्रिया

AIMS COLLEGE
SOMS COLLEGE
EDEN BORG COLLEGE
HIMALYAN DARSHAN COLLEGE
Sagarmatha nishan add
merryland college
NIHAREEKA
NEPAL BUSNESH COLLEGE
ORCHID COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५