CLASSICTECH NET

पाकिस्तानमा पूर्वराष्ट्रपति र दुई पूर्वप्रधानमन्त्री एकसाथ जेलमा

खबर पूर्वाञ्चल, ३ श्रावण २०७६, शुक्रबार १७:२७

इस्लामाबाद / पाकिस्तानमा बिहीबार पूर्वप्रधानमन्त्री शाहिद खाकान अब्बासी गिरफ्तार भएपछि एउटा अनौठो कीर्तिमान ९रेकर्ड० कायम भएको छ । देशकै इतिहासमा यस्तो पहिलो पटक भएको कि दुई जना पूर्वप्रधानमन्त्री र एक पूर्व राष्ट्रपतिलाई जेलमा कैद गरिएको छ ।

उर्दू अखबार ‘जंग’ का अनुसार पाकिस्तानको इतिहासमा प्रधानमन्त्री र पूर्व प्रधानमन्त्रीहरुले चुनौतीको सामना गर्नु परिरहेको छ । पहिले प्रधानमन्त्री लियाकत अली खानको हत्या गरिएको थियो भने जुल्फिकार अली भुट्टोलाई फाँसीमा झुण्ड्याइएको थियो । त्यस्तै बेनजीर भुट्टोको गोली हानी हत्या गरिएको थियो । तर, पाकिस्तानको इतिहासमा पहिलो पटक एकै समयमा एउटै सरकारका एक पूर्वराष्ट्रपति र दुई पूर्वप्रधानमन्त्रीलाई गिरफ्तार गरेर जोलमा राखिएको छ । तीनै जनामाथि सरकारले भ्रष्टाचारको आरोप लगाएको छ ।

अन्य दुई जना पूर्वप्रधानमन्त्री यूसुफ रजा गिलानी र राजा परवेज अशरफ पनि अदालत धाइरहेका छन् । उनीहरु पेशीमाथिको सुनुवाईका लागि अदालतमा हाजिर हुँदै आएका छन् ।

भ्रष्टाचारको आरोपमा पूर्वप्रधानमन्त्री नवाज शरीफ गत एक वर्षदेखि अल अजीजिया सम्पत्ति मामिलामा जेलमा छन् । पूर्वराष्ट्रपति आसिफ अली जरदारी गएको एक महिनादेखि धनशोधन मामिलामा जेलमा छन् । उस्तै राष्ट्रिय जवाबदेही ब्यूरोले एलएनजी ठेक्का मामिलामा पूर्वप्रधानमन्त्री शाहिद खाकान अब्बासीलाई जेलमा हालेको छ । नवभारत टाइम्स

तपाईको प्रतिक्रिया

moder era School

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५