CLASSICTECH NET

पहिलो प्रादेशिक रोजगार मेलामा ५ हजार ६३ जनाले रोजगारीको लागि आवेदन

खबर पूर्वाञ्चल, २८ असार २०७६, शनिबार २०:५६

विराटनगर / पहिलो प्रादेशिक रोजगार मेला आज विराटनगरमा सम्पन्न भएको छ । सामाजिक विकास मन्त्रालयको आयोजनामा भएको रोजगार मेलामा ५ हजार ६३ जनाले रोजगारीको लागि आवेदन दिएका थिए ।

वेरोजगार यूवालाई रोजगारमा जोडन सामाजिक विकास मन्त्रालयले ‘प्रथम प्रादेशिक रोजगार मेलाको आयोजना गरिएको सामाजिक विकास मन्त्रालयले जनाएको छ ।

आज विराटनगरको जैन भवनमा आयोजना भएको मेलाको उद्घाटन सामाजिक विकाश मन्त्री जिवन घिमिरेले गरे । रोजगारदाता र वेरोजगार जनशक्ति बिचको पुलको काम प्रदेश सरकारले गरेको मन्त्री घिमिरको भनाई थियो । प्रथम प्रादेशिक रोजगार मेलाबाट १ हजार २ सय जनाले वेरोजगारले रोजगार पाउने मन्त्रालयले अपेक्षा राखेको छ । प्रदेश सरकारले वेरोजगारी न्यूनीकरण गर्ने उद्देश्यले रोजगार मेला आयोजना गरेको मन्त्री घिमरेले बताए ।

सबै भन्दा बढी मिलिङ म्यान वेबिङ अपरेटर काष्टिङ वक्र्स स्मानईनर अपरेटरको माग रहेको छ । त्यस्तै सेक्युरिटि गार्ड, बिषय शिक्षक, सुपरभाईजर तथा लुम अपरेटर, लेखापाल, डिजाईन मास्टर, विद्यालयको प्रिन्सिपल, उद्योगका लागि प्रवन्धक, मेकानिकल ईन्जिनियर र स्टाफ नर्ससमेतको माग आएको सामाजिक विकास मन्त्रालयले जानकारी गराएको छ ।

मेलामा सवैभन्दा बढी मोरङबाट २ हजार १ सय ६४ जना आवेदन दिएका छन् भने सवैभन्दा कम सोलुखुम्बुबाट १४ जनाले आवेदन दिएका छन् । त्यस्तै झापाबाट ५ सय ५३,सुनसरीबाट ८ सय ५७, उदयपुरबाट ८०, धानकुटाबाट ८५, तेह्रथुमबाट १ सय ३९, भोजपुरबाट ८६, खोटाङबाट १ सय १७, ओखmढुंगाबाट ६३, संख्वासभाबाट ६५,ताप्लेजुङबाट ५०,पाँचथरबाट ५८, इलामबाट ६२, अन्य प्रदेशबाट ३ सय ३८ जनाले आवेदन दिएका सामाजिक मन्त्रालयले जनाएको छ । तस्वीहरु पुष्पराज थपलिया

तपाईको प्रतिक्रिया

biratnagar mahanagarpalika dasain
GREDED DASAIN
birat eye hospital
NEPAL BUSNESH COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५