पूर्वाञ्चल खबर
विराटनगर / मारवाडी यूवा मञ्च विराटनगरको अध्यक्षमा गोपाल आग्रवाल निर्वाचित भएका छन् ।
विराटनगरमा भएको वार्षिक साधारण सभाले अग्रवाल अध्यक्षमा सर्वसम्मत रूपमा निर्वाचित भएका हुन् । सामाजिक क्षेत्रमा क्रियाशिल रहेका अग्रवाल विभिन्न संघसंस्थामा आवद्ध छन् । उनी मोरङ इलेक्ट्रीक संघको निर्वतमान अध्यक्ष तथा नेपाल इलेक्ट्रीक संघको केन्द्रीय सह–कोषाध्यक्षमा पनि हुन् ।
मारवाडी यूवा मञ्चको महासचिबमा मोहित लालवानी चयन भएका छन् । अध्यक्षमा निर्वाचित भएका अग्रवालले मारवाडी यूवाहरूको हकहितको क्षमता अभिवृद्धीमा लागि पर्ने बताए । मञ्चको अन्य पदाधिकारीहरू केही दिनपछि विस्तार गर्ने तयारी रहेको छ ।
