CLASSICTECH NET

पत्रकार महासङ्घ प्रदेश १ को भवन शिलान्यास

खबर पूर्वाञ्चल, १ बैशाख २०७६, आईतवार २१:३४

विराटनगर/ विराटनगर–५ चाँदनी चोकमा निर्माण हुन लागेको नेपाल पत्रकार महासङ्घ प्रदेश–१ समितिको भवन शिलान्यास भएको छ ।  

महासङ्घद्वारा शनिबार आयोजित कार्यक्रममा विराटनगर महानगरपालिकाका प्रमुख भीम पराजुलीले भवनको शिलान्यास गरेका हुन् ।  विराटनगर महानगरपालिकाले प्रदान गरेको एक कट्ठा जमिनमा अत्याधुनिक सुविधा सम्पन्न तीन तले भवनको शिलान्यास भएको हो ।

भवन बनाउँनका लागि प्रदेश सरकारले ४० लाख रुपैयाँ सहयोग गरेपछि महासङ्घले आफ्नै भवन बनाउने काम शुरु गरेको हो । आगामी आर्थिक वर्षभित्रमा निर्माण कार्य पूरा गरिने गरी भवन निर्माणको काम शुरू गरिने पत्रकार महासङ्घ प्रदेशका महासचिव विवेक गौतमले जानकारी दिए ।

विराटनगर महानगरले जग्गा उपलब्ध गराएपछि प्रदेश सरकारले आर्थिक सहयोग गरेको हो । तीन तला हुने भवन १ हजार ८ सय वर्ग फुटमा बन्नेछ । पहिलो तलामा व्यवसायिक योजनासहितका सटर र पुस्तकालय बन्नेछ भने दोस्रो तलामा कार्यालय र बैठक कक्ष रहनेछ । तेस्रो तलामा ३ सय जना अटाउने सभाहल हुनेछ ।

तपाईको प्रतिक्रिया

EVREST SCHOOL KO SAMMAN
AIMS COLLEGE
SOMS COLLEGE
EDEN BORG COLLEGE
merryland college
NEPAL BUSNESH COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५