CLASSICTECH NET

चोरीमा संलग्न एक भारतीयसहित पाँच पक्राउ

खबर पूर्वाञ्चल, २२ चैत्र २०७५, शुक्रबार १९:४६

विराटनगर /रत्नप्रसाद आचार्यको घरमा चोरी गरेको आरोपमा मोरङ प्रहरीले एक भारतीयसहित पाँच जनालाई आज सार्वजनिक गरेको छ ।

चैत १८ गते राती विराटनगर ४ का आचार्यको घरमा चोरी गरेको आरोपमा प्रहरीले एक भारतीय सहित उनीहरुलाई पक्राउ गरि आज सार्वजनिक गरेको हो ।

पक्राउ पर्नेमा भारतको अररीया जिल्लाका २५ वर्षीय मोहम्मद सैैयुब, विराटनगर ८ का इमरान खान, कटहरी १ का ताजिम मियाँ र विराटनगर १३ का जमुना सहनीलाई बुधबार पक्राउ गरेको मोरङ प्रहरीले जनाएको छ । यसैगरी चोरीको सामान किन्ने मोरङ कटहरी २ का सरोजकुमार साहलाई पनि प्रहरीले नियन्त्रणमा लिएको छ ।

उनीहरुले आचार्यको घरको छतको सिढिको ढोका तोडफोड गरी कोठाबाट लेनेभो कम्पनीको ल्यापटप, हवाई कम्पनीको मोवाईल, सामसुङ कम्पनीको क्यामेरा, पर्स, सिको घडी र नेट चलाउने मोडियम र घर कम्पाउण्ड भित्र पार्किङ गरी राखेको साईकल लगायतका सामाग्री चोरी गरेका थिए । चोरी गरेको सामान मध्ये मोहम्मद सैयुबको साथबाट प्रहरीले क्यामरा, ल्यापटप चार्जर, घडी, पेनड्राइभ र लत्ताकपडा बरामद गरेको छ ।

चोरीमा संलग्न ५ जना ब्यक्तिहरूलाई पक्राउ गरी मुलुकी फौजदारी अपराध (संहिता) ऐन २०७४ बमोजिम चोरी कसुरमा थप अनुसन्धान भई रहेको मोरङ प्रहरीले जनाएको छ ।

तपाईको प्रतिक्रिया

moder era School

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५