सार्वजनिक वित्तीय व्यवस्थापनमा हुने अस्वस्थतालाई हटाउनु पर्छ

खबर पूर्वाञ्चल, १९ चैत्र २०७५, मंगलवार २०:४४

विराटनगर / सार्वजनिक वित्तीय व्यवस्थापनमा हुने अस्वस्थतालाई हटाउनु पर्ने धारणा सहभागीहरुले राखेका छन् ।

नेपाल आर्थिक पत्रकार समाजले आज विराटनगरमा आयोजित सार्वजनिक वित्तीय व्यवस्थापन विषयक अन्तरक्रिया कार्यक्रममा सहभागीहरुले सो धारणा राखेका हुन् ।

उनीहरुले सञ्चित कोषको रकम बाँडफाड तथा आम्दानी जम्मा गर्दा कानूनी दायराभित्र रहेर गर्नु पर्ने, जनताले जम्मा गरेको करको उचित सदुपयोग हुनु पर्ने र तीनै तहका सरकारले एउटै सिद्धान्त र पद्धतिलाई पहिल्याउनु पर्ने सुझाव समेत दिएका छन् ।

आर्थिक मामिला तथा योजना मन्त्री इन्द्रबहादुर आङ्बोले हाम्रो अर्थतन्त्र राजस्वमुखि भएको र अर्थ सङ्कलन र खर्च चक्रप्रणाली अन्तर्गत भएकाले यसलाई पारदर्शी बनाउनु पर्ने बताए ।उनले सोचे अनुसारको विकास बजेट खर्च नभएको बताउँदै कानूनी जटिलता र कर्मचारीका अभावमा अझै विद्यमान रहेको बताए ।

संघीयताको कार्यान्वयन तीव्र गतिमा भइरहेको विचार व्यक्त गर्दै मन्त्री आङ्बोले कार्यान्वयनको तहमा पुग्न सक्ने मात्र योजना बन्ने बताए । झन्झटिलो खरीद ऐनले गर्दा पनि बजेट खर्च गर्न समस्या देखिएको बताउँदै मन्त्री आङ्बोले सञ्चित कोषमा रकम थुप्रेर बस्नु राम्रो नभएको बताए ।

प्रदेश नं.१ मुख्यमन्त्री कार्यालयका सचिव भूवन आचार्य,महालेखा निर्देशक चन्द्रकान्त भण्डारी, आर्थिक मामिला तथा योजना मन्त्रालयका सचिव हरिहर पौडेल, पीइएफएका सुशिल पाण्डेले राज्यकोषबाट खर्च गर्दा वित्तीय अनुशासनलाई भत्काउन नहुने वताए ।
समाजका अध्यक्ष पुष्पराज आचार्यले सरकारले गर्ने खर्चलाई मित्तव्ययी बनाई बढी प्रतिफल हासिल गर्ने तर्फ हुनु पर्ने कुरामा जोड दिए ।

तपाईको प्रतिक्रिया

lordbuddha academy
GREENLAND
ARNIKO
EVREST
KVM
budhanilakanth
kantipur
SAGARMATHA-2075
ORCHID
greded

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५