CLASSICTECH NET

उदाउँदो सूर्यलाई अर्घ दिदै छठ पर्व सम्पन्न(फोटो फिचर)

खबर पूर्वाञ्चल, २८ कार्तिक २०७५, बुधबार ०८:०६
सुनसरी मोरङको सिंचाइको नहरमा उदाउँदो सुर्यलाई अर्घ दिदै ब्रतालूहरु। तस्वीर : पुष्पराज थपलिया /खबर पूर्वाञ्चल

विराटनगर/छठ पर्व समापन भएको छ । सोमबारदेखि सुरु भएको छठ पर्ब आज विहान उदाउँदो सूर्यलाई अर्घ दिएपछि समापन भएको हो । उदाउँदो सूर्यलाई अर्घ दिन नदी तलाउ तथा खोलाहरुमा सर्बसाधरणको भिड लागेको थियो ।

हिजो साँझ अस्थाउदो सूर्यलाई अर्घ दिएर खोलामै जाग्राम बसेका भक्तालुहरुले आज विहान उदाउँदो सूर्यलाई अर्घ दिएर आफ्नो ब्रत सकेका हुन् ।

विराटनगरको सिंघीया, केसलीया खोला,तथा सुनसरी मोरङ सिंचाइ आयोजनाको साखा नहरमा हजारौं श्रद्धालुहरु पुगेका थिए । मौसम राम्रो भएको कारणले पूजा स्थलमा श्रद्धालु तथा भत्तजनहरुको घुइचो बढी देखिएको थियो ।

ऐतिहासिक पौराणिक ग्रन्थ महाभारतमा उल्लेख भएअनुसार द्रौपदीसहित पाँच पाण्डव अज्ञातवासमा रहँदा उक्त गुप्तवास सफल होस् भनी सूर्यदेवलाई आरधना गरिएको थियो । उक्त समयमा पाण्डव विराट राजाको दरबारमा बास बसेको उल्लेख छ । लोक कथनबमोजिम सोही समयदेखि छठ मनाउने परम्पराको थालनी भएको हो ।
सूर्य पुराणअनुसार सर्वप्रथम अत्रिमुनिकी पत्नी अनुसूयाले छठ व्रत गरेकी थिइन् । फलस्वरूप उनले अटल सौभाग्य र पतिप्रेम प्राप्त गरिन् । त्यही बेलादेखि ‘छठ पर्व’ मनाउने परम्पराको सुरुवात भएको विश्वास गरिन्छ ।
छठ पर्वमा व्रत गरे दुःख र दरिद्रताबाट मुक्ति पाइने जनविश्वास छ । मुख्यतः सन्तान प्राप्ति, रोग निदान र पारिवारिक कल्याणका लागि मनाइने छठ पर्वलाई भव्यता प्रदान गर्न ग्रामीणस्तरमा रहेका पोखरी, इनार, तालतलैयालगायत जलाशयलाई विभिन्न संघसंस्था र यूवा क्लबले सरसफाइ गरी बिजुली, पण्डाललगायतको व्यवस्था मिलाएका थिए ।

चार दिनसम्म मनाइने सम्पूर्ण शक्तिको स्रोत सूर्यको उपासनाको छठ पर्वको पहिलो दिन नुहाएर चोखो भई खाने, दोस्रो दिन खरना, तेस्रो दिन अस्ताउँदो र चौथो दिन उदाउँदो सूर्यलाई अर्घ दिएपछि विधिवत् रुपमा समापन हुने गर्छ । छठ अवधिभरि माछा, मासु, लसुन, प्याज, कोदो, मसुरो, उसिनेको चामललगायतका खाद्य वस्तु अनिर्वाय रुपमा बार्ने चलन छ ।

मधेसी समुदायका बीच मात्र होइन छठ पहाडी समुदायका बीचमा समेत लोकप्रिय हुँदै गएको छ । छठ पर्वका लागि विराटनगरको सिघींया, केसलीया तथा सुनसरी सिचाइ आयोगको नहरलगायत पोखरी किनारमा सजावट गरिएको छ ।

हेर्नुहोस् तस्वीरहरु पुष्पराज थपलिया

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५