संजीवनी हस्पिटललार्इ कारवाहीका लागि जिप्रकाले काट्यो पत्र

खबर पूर्वाञ्चल, २९ असार २०७५, शुक्रबार ०८:३७

विराटनगर / विराटनगरको हस्पिटल चौकमा रहेको सन्जिवनी हस्पिटल एण्ड आईभीएफ सेन्टर प्रालिले डाक्टरको काबुमा नरहेको बिरामीलाई पनि आम्दानीको लोभमा जबर्जस्ती उपचार गराउन लगाउने हस्पिटललाई कारबाहिको प्रक्रिया अगाडी बढेको छ ।

जिल्ला प्रशासन कार्यालय मोरङले जनस्वास्थ्य कार्यालयलाई संजिवनी हस्पिटलको आवश्यक अनुसन्धान गरि कारवाही गर्न बिहीबार पत्र काटेको छ ।

हस्पिटलका व्यवस्थापकले आम्दानीको लोभमा विरामी अन्यत्र रेफर नगराई अस्पतालमै उपचार गर्न डाक्टरलाई बाध्य पार्ने गरेको रहस्य विभिन्न सञ्चार माध्यमबाट सार्वजानिक भएको थियो । विरामीको स्वास्थ्य माथि यस्तो गम्भिर घटना सार्वजानिक भएको भन्दै पब्लिक फोरम नेपालले तत्काल छानविन गरि आवश्यक कारवाही गर्न माग राख्दै जिल्ला प्रशासन कार्यालय मोरङमा मंगलबार उजुरी दर्ता गराएका थिए । त्यही उजुरीको आदरमा अनुसन्धान गरि कानून बमोजिम कारबाही गर्न जनस्वास्थ्य कार्यालाई पत्र पठाएको मोरङका प्रमुख जिल्ला अधिकारी रामप्रसाद आचार्यले जानकारी दिए ।

‘यस कार्यालयमा संजीवनि हस्पिटलको विरुद्ध उजुरी आएको थियो,’ मोरङका प्रमुख जिल्ला अधिकारी आचार्यले भने, ‘हस्पिटलको अनुसन्धान गरि दोषि देखिए कारवाहीको लागि जनस्वास्थ्यमा पत्र काटेका छौं ।’ उनले भने, ‘स्वास्थ्य संस्थाको अनुगमन गर्ने निकाय जनस्वास्थ्य हो । अनुगमन गरि कारवाही गर्न सम्बन्धीत निकायलाई आदेश दिएको छु,’ उनले भने ।

उक्त हस्पिटलले बिरामीलाई रेफर गरेको भन्दै मेडिकल अफिसियर डाक्टर आलोक रायलाई ५० हजार जरिमाना गरेको र जागिरबाट हटाएको अवकाश दिएको घटना सार्वजनिक भएको थियो । डाक्टरले उपचार गराउन नसक्ने र विपी प्रतिष्ठान धरान लानुपर्ने बताएको भएपनि जबर्जस्ती उपचार गराउन हस्पिटलले दबाब दिएको थियो ।

अस्पतालमा भर्ना गरिएकी रुरु माया मुगनलाई नोबेल अस्पतालले विपी प्रतिष्ठान धरान उपचारका लागि लैजान रेफर गरेको थियो । तर कमिसनको लोभमा परी एम्बुलेन्स चालकले बिरामीलाई संजीवनी हस्पिटल पु¥याएको थियो । एम्बुलेन्स चालकले एक जना विरामी संजिवनी हस्पिटलमा पु¥याएवापत चालकलाई कमिसन पनि दिने गरेको स्रोतको दाबी छ । विरामीबाट यस हस्पिटलले जति पैसाँ असुल्छ त्यही रकमबाट निश्चित कमिसन विरामी ल्याउने चालकलाई दिने गरेको स्रोतले बताए ।

तपाईको प्रतिक्रिया

खबर पुर्वान्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५