गाँजासहित पक्राउ परेका कामतको हिरासतमा रहस्मय मृत्यु, छानविन गर्न माग

खबर पूर्वाञ्चल, २० भाद्र २०७८, आईतवार १७:४५

विराटनगर/ मोरङ प्रहरीको हिरासतमा रहेका एक जना थुनुवाको उपचारको क्रममा मृत्यु भएपछि परिवारजनले घटनालाई रहस्यमय भन्दै छानविनको माग राखेका छन् ।

मृतक कामतको खुटामा देखिएको निलडाम

शुक्रबार दिउँसो विराटनगर ११ देखि गाँजासहित पक्राउ परेका ३७ वर्षीय भीम कामतको आज उपचारको क्रममा कोशी अस्पतालमा मृत्यु भएको थियो ।

कामतको मृत्यु भएको घटनालाई लिएर मृतकका आफन्तले रहस्मय तरिकाले मृत्यु भएको भन्दै उच्च स्तरीय छानविन समिति गठन गरिनुपर्ने माग राखेका छन् । मृतक कामतको दुवै खुट्टामा निलो डाम र शरिरमा चोटपटक लागेको कारणले दाजुको रहस्मय तरिकाले मृत्यु भएकोले घटनाको निष्पक्ष छानविन गरिनुपर्ने भाइ विरेन्द्रले बताए । ‘दाजु विरामी भएको खबर हामीलाई प्रहरीबाट साढे १ बजे आयो । तत्काल कोशी अस्पताल आउँदा दाजुको मृत्यु भइसकेको थियो । हामीलाई त्यसबेला शव हेर्न नदिकन मुर्दा घरमा राखिएको थियो । वडाअध्यक्ष आएपछि दाजुको शव हेर्दा दुवै खुट्टामा निलो डाम रहेको छ,’ भाई विरेन्द्रले भने, ‘जिउँमा पनि दाग रहेकोले यो घटना रहस्मय रहेको छ ।’

घटनाको विषयमा उच्चस्तरीय छानविन समिति गठन नगरेसम्म कामतको शव नबुझने भन्दै मृतकका आफन्तले अस्पताल बाहिर नाराबाजी गरेका थिए । उनकी पत्नी यशोदाले प्रहरी हिरासतमा रहेको व्यक्तिको ज्यान जाने घटना रहस्यमय भएको दाबी गरेका छन् । ‘त्यसैले घटनाको छानबिन हुनुपर्छ’ उनको माग छ ।

विराटनगर १२ का वडाअध्यक्ष हिरालाल कामतले घटना रहस्मय रहेकोले छानविन समिति गठन गरेर निष्पक्ष छानविन गरिनुपर्ने बताए ।

हिरासतमा रहेकै बेला विरामी भएपछि उनलाई उपचारका लागि कोशी अस्पताल पुर्याइएको र उपचारकै क्रममा उनको मृत्यु भएको मोरङ प्रहरीका प्रवक्ता डिएसपी दिपक श्रेष्ठले जानकारी दिए ।

मृतक कामत पक्राउ परेयता जिल्ला प्रहरी कार्यालय मोरङको हिरासतमा थिए । लागुऔषध ऐनअन्तर्गतको मुद्दा चलाउन आज म्याद थपको तयारीमा प्रहरी थियो । प्रहरीले भने हिरासतबाट अदालत लैजानका लागि बाहिर निकाल्दा उनी ढलेका थिए । रिंगटा लाग्यो भन्दै ढलेका उनलाई अस्पतालमा पुर्याएको केहीबेरमा चिकित्सकले मृत घोषित गरेका थिए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५