पूर्वाञ्चल खबर
जष्ट से नो नेपाल नामक संस्थाले आज विराटनगरमा आयोजना गरेको एकदिने तालीममा साइवर अपराध र कानुनी ब्यवस्थाका बारेमा जानकारी दिएको हो ।
सामाजिक सन्जालमार्फत व्यक्ति, संस्था र समूहलाई गाली गरेर रमाउनेको जमात बढिरहदा साइवर अपराधका घटना दिनहौ बढीरहेको उनीहरुले जानकारी दिएका छन् । सामाजिक सञ्जालमा मन नपरेका व्यक्ति समूहलाई गाली गर्ने मात्र होइन, मनोगत कुण्ठा पोख्दा साइवर अपराधमा परिने विषयहरुलाई उठान गरिएको थियो ।
कार्यक्रमका विराटनगर महानगरका मेयर भीम पराजुलीले साइवर अपराध पछिल्लो समय समस्याकारुपमा आएकाले यसलाई विद्यालयस्तरबाट बालबालिका र सामाजिक अभियानकारुपमा चेतनामूलक कार्यक्रम गर्नु पर्ने धारणा राखे ।
कार्यक्रममा नेपाल पत्रकार महासंघ मोरङका अध्यक्ष बन्धु पोखरेल, रेडक्रस मोरङका अध्यक्ष सुवोधकुमार सिंह , प्रहरी नायब उपरिक्षक घनश्याम श्रेष्ठ ,जष्ट से नो का अध्यक्ष ऋषि ओझालगायतका बोलेका थिए ।
