पाँच पटकको विश्व विजेता ब्राजिललाई स्तब्ध पार्दै बेल्जियम ३२ वर्षपछि विश्वकपको अन्तिम चारमा प्रवेश

खबर पूर्वाञ्चल, २३ असार २०७५, शनिबार ०२:०७

विराटनगर / पाँच पटकको विश्व विजेता ब्राजिललाई स्तब्ध पार्दै बेल्जियम रसियामा जारी विश्वकप फुटबलको अन्तिम चारमा प्रवेश गरेको छ ।

बेल्जियमले आज सम्पन्न क्वाटरफाइनल खेलमा ब्राजिलको चुनौतीलाई २–१ गोलले पन्छ्याउँदै ३२ वर्षपछि विश्वकपको सेमिफाइनलमा प्रवेश गरेको हो । अब बेल्जियमले सेमिफाइनलमा फ्रान्ससँग प्रतिस्पर्धा गर्नेछ ।

बेल्जियमले भने ब्राजिललाई ५५ वर्षपछि पराजित गरेको हो । यसअघि ब्राजिल सन् १९६३ मा भएको मैत्रीपूर्ण खेलमा बेल्जियमसँग पराजित भएको थियो ।

खेलको १३ मिनेटमा ब्राजिलका फर्डिनान्डोले आत्माघाती गोलले बेल्जियमले अग्रता लिएको थियो । बेल्जियमका केभिन डे ब्रुइनको कर्नरमा कप्तान भिसेन्ट कोम्पनीले हेड गरेको बललाई क्लिएर गर्ने क्रममा फर्नाडिन्होले गरेको हेडले ब्राजिलको आफ्ने पोस्टको जाली चुमे पछि ब्राजिल एक गोले पछि पर्यो ।

आत्मघाती गोलबाट पछाडी परेको ब्राजिललाई बेल्जियमले ३१ मिनेटमाखेलको ३१ औं मिनेटमा गोल गर्दै अग्रतालाई दोब्बर गर्दै सेमिफाइनलबाट अझ पर धकेल्ने काम गरे । बेल्जियमका मिडफिल्डर केभिड डेब्रुइनले २५ यार्ड टाढाबाट लोभ लाग्दो गोल गदै बेल्जियमले अग्रतालाई दोब्बर पारे । केभिडले लुकाकुले दिएको पासमा गोल गरेका थिए ।

ब्राजिलले ७६ मिनेटमा गोल फर्काउँदै खेललाई २–१ को स्थितिमा ल्यायो । ब्राजिलका लागि सब्सिच्युट खेलाडी रेनाटो अगुस्टोले हेडमार्फत गोल गर्दै ब्राजिललाई खेलमा फर्काने कासिस गरे । काउटिन्होले उपलब्ध गराएको क्रसमा उनले बललाई जाली चुमाएका थिए ।

इन्जुरी टाइमको अन्तिम मिनेटमा नेइमारको उत्कृष्ट प्रहारलाई बेल्जियमका गोलकिपरले बिफल पार्दा ब्राजिलको आसा समाप्तद पारेका थिए । खेल अवधिमा ब्राजिलले गोल गर्ने राम्रा अवसर सिर्जना गरेपनि तिनलाई बेल्जियमको रक्षापंती र गोल किपरले विफल पारिदिएका थिए।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५