आफैंलाई गोली हान्न लगाउने धर्मगुरु आचार्य श्रीनिवास कारागार चलान

खबर पूर्वाञ्चल, १६ जेष्ठ २०७५, बुधबार १८:४१

विराटनगर /आफैंमाथि गोली हान्न लगाएको अभियोग लागेका हिन्दु धर्मका धर्मगुरु स्वामी आचार्य श्रीनिवास पुर्पक्षको लागी कारागार चलान भएका छन् ।

जिल्ला प्रशासन कार्यालय मोरङमा आज दिउँसो प्रमुख जिल्ला अधिकारी रामप्रसाद आचार्यको ईजलासमा भएको बहसपछि आचार्यलाई पुर्पक्षका लागि थुनामा राख्ने आदेश भएको हो । श्रीनिवासलाई सुनसरीको झुम्का स्थीत क्षेत्रिय कारागारमा राखिने भएको हो ।

आदेशसँगै कडा सुरक्षाकाबीच श्रीनिवासाचार्यलाई जिल्ला प्रशासन कार्यालय मोरङ परिसरबाट निकालिएको थियो । उनलाई हात हतियार खर खजना २०१९ को दफा २४ को क बमोजिम प्रजिअ आचार्यको आदेश दिएका हुन् । उनी सहित उनका दुई सहयोगी माधव चौधरी र लक्ष्मीराज अधिकारी समेत जेल चलन भएका छन् । आदेशपछि झुम्का कारागार लैजाने तयारी गर्दैगर्दा श्रीनिवासाचार्यले विरामी भएको अभिनय गरेपछि उनलाई कोशी अन्चल अस्पताल भर्ना गरिएको छ । आचार्यले आफूलाई श्वास फेर्न गाह्रो भएको बताएपछि अस्पताल भर्ना गरिएको हो ।

उनले गत चैत २५ गते बिराटनगरको जतुवामा विहान १ बजेर ४५ मिनेटमा आफैले आफैलाई गोली हान्न लगाएको प्रहरी अनुसन्धानबाट खुलेको थियो ।

तपाईको प्रतिक्रिया

खबर पुर्वान्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – रमेश अधिकारी
सुचना तथा प्रसारण विभाग दर्ता नं. ०७५७/०७४/७५