साढे ३३ किलो सुन तस्करी प्रकरण : गोरेको बयान आजपनि सकिएन्

खबर पूर्वाञ्चल, ११ जेष्ठ २०७५, शुक्रबार १८:३३

विराटनगर, ११ जेष्ठ / साढे ३३ किलो सुन तस्करी र सनम शाक्या हत्या प्रकरणका मुख्य अभियुक्त चुडामणि उप्रेती गोरेको बयान शुक्रबार पनि सकिएन् ।

जिल्ला अदालतका न्यायाधीश नारायणप्रसाद शर्माको ६ नम्बर बन्द इजलास तीन दिन हुँदा पनि गोरेको बयान नसकिएको हो ।
ठूलो मुद्दा र प्रतिवादीहरु धेरै हुँदा यस मुद्दाका मुख्य अभियुक्त गोरेको बयान लम्बिएको जिल्ला अदालत मोरङले जनाएको छ । उनले अदालतका न्यायाधीश समक्ष २७ पृष्ठको बयान दिएको स्रोतले बताएको छ । गोरेको बयान लम्बिएको कारणले गर्दा उनको बयान आइतबार पनि हुने जिल्ला अदालत मोरङका निमित्त श्रेस्तेदार केदारप्रसाद गौतमले जानकारी दिए । गोरेको बयान आइतबार दिउँसोसम्म सकिए सोही दिन र ढिलो सकिए सोमबार थुनछेक बहस हुने अनुमान गरिएको छ ।

तपाईको प्रतिक्रिया

खबर पुर्वान्चल

बिराटनगर, नेपाल

सम्पर्क: ०२१-५२४५८४

इमेल: mail@khabarpurwanchal.com

Khabarpurwanchal is Leading News Company In Eastern Development Region Of Nepal, Providing Up to date Local as well as country crunch News.