खबर पूर्वाञ्चल
आज आयोजक नामिबियाले केन्यामाथि ८ विकेटको जित हात पारे पछी नेपाललाई खेल जित्नै पर्ने दबाब रहेको हो । यससँगै नेट रनरेटमा नेपाललाई पछि पार्दै नामिबिया अंक तालिकाको दोस्रो स्थानमा उक्लिएको छ ।
केन्याले दिएको १ सय ११ रनको लक्ष्य नामिबियाले १६ ओभरमा २ विकेट गुमाएर भेट्टाएको थियो ।अब अन्तिम दिन हुने खेलले विश्वकप छनोटमा पुग्ने दुई टोलीको टुंगो लाग्नेछ ।
पहिलो खेलमा नामिबियामाथि रोमाञ्चक जित निकालेको नेपालले दोस्रो खेलमा ओमानसँग अप्रत्यासितरुमा हार व्यहोर्न पुग्यो । तेस्रो खेलमा यूएईलाई हराएपछि विश्पकप छनोटको सम्भावना कायमै राखेको थियो तर, क्यानडालाई हराउनु अनिवार्य भएको छ ।
अहिले अंंक तालिकाको शीर्ष तीन टिमको समान ६–६ अंक छ भने यूएईको चार अंक छ ।
बुधबार नेपालले क्यानडासँग खेल्दा घरेलु टोलीले नामिबियाले यूएईको सामना गर्नेछ । यदि नेपालले जित्यो भने सोझैं फाइनलसँगै विश्वकप छनोटमा स्थान पक्का गर्नेछ ।
हारले भने नेपालको विश्वकप छनोटमा खेल खेल्ने सपना अधुरै रहनेछ । एउटा अवस्थामा मात्र नेट रनरेट हेर्नु पर्ने हुन्छ ।
यदि नेपाल क्यानडासँग हारियो र यूएईले नामिबियाले हरायो भने तीन टोलीको समान ६–६ अंक हुनेछ र नेट रन रेटका आधारमा नेपाल, नामिबिया र यूएई मध्ये एक टिमले फाइनलसँगै विश्वकप छनोटमा स्थान पक्का बनाउँनेछ ।
तर, तीन वटै खेलमा नेपालले झिनो अन्तरले जितेको कारणले रनरेट सबैभन्दा कम छ ।
