पूर्वाञ्चल खबर
विराटनगरमा शनिबार भएको मोरङ इलेक्ट्रिक संघको आठौं वार्षिक साधरणसभा तथा चौथो अधिवेशनमा बोल्दै अध्यक्ष गोपाल अग्रवालले विद्युतीय सामाग्री संवेदनशिल भएको हुनाले गुणस्तरीय सामाग्रीमात्र उपभोक्तालाई बिक्री गर्नुपर्ने बताए । ‘विद्युतीय सामग्री संवेदनशील हो,’ उनले भने, ‘हेलचेक्राई गुणस्तरहीन सामाग्रीले ज्यानै पनि जान सक्छ । त्यो भएको गुणस्तर नाप्ने टेस्ट ल्याब राख्नुपर्दछ ।’ सरकारले साना उद्योगलाई समेत प्रोत्साहन गर्ने निती ल्याउनुपर्नेमा उनले जोड दिए ।
कार्यक्रममा बोल्दै नेपाल विद्युतीय व्यवसायी महासंघको केन्द्रीय सचिव लक्ष्मीप्रसाद धितालले व्यवसायीले विद्युतीय सामाग्रीमा एक रूपमा ल्याउनुपर्ने बताए । पसलै पिच्छे विद्युतीय सामाग्रीको मूल्य फरक फरक हुँदा उपभोक्तामा गुनासो बढेको भन्दै मूल्यमा एकरूपता ल्याउनुपर्ने उनले जोड दिए ।
कार्यक्रममा विराटनगर महानगरपालिका प्रमुख भीम पराजुलीले विद्युतीय सामाग्री संवेदनशील हुने भएकाले गुणस्तरिय सामाग्री बिक्री वितरण गर्न आग्रह गरे । मोरङ इलेक्ट्रिक संघमा ८० जना आवद्ध रहेको संघले जनाएको छ । कार्यक्रममा विद्युतीय व्यवसायी महासंघको केन्द्रीय अध्यक्ष तेज नारायण खरेल, मोरङका पूर्व अध्यक्ष मोहनप्रसाद न्यौपाने, प्राइम केवलका निर्देशक मुकेश कुमार, झापा विद्युतीय व्यवसायी महासंघको अध्यक्ष भक्ति पाठकलगायतले बोलेका थिए ।
आजको जनविद्रोह दैनिकमा छापिएको छ ।
