खबर पूर्वाञ्चल
आज भएको दोश्रो सेमिफाईनल खेलमा हसन्दह क्रिकेट क्लबलाई १ सय २ रनको फराकिलो अन्तरले पराजित गर्दै रत्न यूथले पथरीशनिश्चरेसँगको फाइनलमा भेट पक्का गरेको हो ।
रत्नले दिएको २ सय ३ रनको विजयी लक्ष्य पछ्याएरकोे हसन्दह १८ दशमलब ५ ओभरमा सवै विकेट गुमाई १ सय रनमा अल आउट भयो । हसन्दहका लागि साजन बस्नेतले २४ र विनेस सोहनीले १६ रनको योगदान दिए रत्नका विजेन्द्र झाले ३ विकेट र प्रवेश कामतीले २ विकेट लिए ।
यसअघि टस जितेर ब्याटिङ गरेको रत्नले १९ दशमलब ५ ओभरमा सवै विकेट गुमाई २ सय २ रनको विशाल योगफल खडा गरेको थियो । रत्नकालागि विजेन्द्र झाले ६९ र निरितेस खडोलियाले ६४ रन बनाए । हसन्दहका सुजन बस्नेतले ३ विकेट लिए । खेलको म्यान अफ द म्याच रत्नका अलराउण्डर खेलाडि विजेन्द्र झा घोषित भए । पथरीशनिश्चरे ११ ले भने हिजो भएको पहिलो सेमिफाईनल खेलमा आयोजक वीरेन्द्रनगर क्रिकेट क्लबलाई ३८ रनले पराजित गर्दै फाईनलको यात्रा तय गरेको थियो ।
