RUMPUM
animated ellipse animated ellipse

एक करोड नौ लाख अवैध भारतीय रुपैयाँसहित २ जना विराटनगरबाट पक्राउ

KhabarPurwanchal-Logo

खबर पूर्वाञ्चल

२३ बैशाख २०७७, मंगलवार १६:०३
3
Shares
विराटनगर / एक करोड नौ लाख भन्दा भारतीय रुपैयाँ सहित दुई जनालाई विराटनगर भन्सार कार्यालयबाट सशस्त्र प्रहरीले पक्राउ परेको छ ।

आज दिउँसो भारतको सुपौलबाट आएको खाली ट्रकबाट प्रहरीले चेकजाँचको क्रममा एकीकृत भन्सार जाँच चौकी विराटनगर परिसरबाट १ करोड ९ लाख ७९ हजार ५ सय ३० रुपैयाँ भारतीय रुपैयाँसहित दुई जनालाई सशस्त्र प्रहरीले पक्राउ गरेको हो ।

पक्राउ पर्नेमा भारतको दार्जिलिङ जिल्ला, सिलिगढी गंगानगर वडा नं ५ का २४ वर्षीय चालक रवीन्द्र शर्मा र भारतकै जिल्ला महजपुर, बिहार रौतिमिया वडा नं १२ का १८ वर्षीय पप्पु कुमार रहेको सशस्त्र प्रहरीका एसपी नेत्र कार्कीले जानकारी दिए । बरामद रकममध्ये ५ सय दरका २१ हजार ९ सय ५५ थान नोट रहेको एसपी कार्कीले बताए ।

नाकामा भारतबाट प्रवेश गरेको डब्लूबी ७३ ई ७६३५ खाली ट्रक खानतलासी गर्दा बोराभित्र राखेको अवस्थामा सो रकम फेला परेको थियो । खाली गाडीमा गुट्खाको ¥यापरले बेरेर लुकाएर ल्याइएको अवस्थामा सो रकम बरामद भएको हो । बरामद रकम कसले भित्र्याएको हो भन्ने अनुसन्धान भइहरेको प्रहरीले जनाएको छ ।

खाली गाडी भएका कारण भारत पक्षले परीक्षण नगरी नेपाल प्रवेशको अनुमति दिएको थियो । नेपालमा भने जाँच गर्दा बोराभित्र राखेको अवस्थामा रकम बरामद भएको सशस्त्र प्रहरीका एसपी कार्कीले जानकारी दिए । सो रकम हुण्डी कारोवारीले ल्याएको हुनसक्ने प्रहरीको अनुमान रहेको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर