‘स्कूल गट ट्यालेन्ट’ को पहिलो अडिसन जेठ २६ गते रङ्गेलीमा

खबर पूर्वाञ्चल, २२ जेष्ठ २०७४, सोमबार ०७:४०

विराटनगर, २२ जेठ/ मोरङ जिल्लाभरिका विद्यालयमा अध्ययरत विद्यार्थीहरुमा लुकेर बसेका विभिन्न विधाका प्रतिभाहरुलाई खोजी गर्ने उद्देश्यले ‘स्कूल गट ट्यालेन्ट’ हुने भएको छ । सप्तक संगीत कला मन्दिर विराटनगरको आयोजनामा आउँदो जेठको २६ गतेदेखि प्रतियोगिता हुन लागेको हो ।

प्रतियोगितामा विद्यार्थीहरुले अभिनय, नृत्य, गीत, चित्रकला आदी प्रस्तुत गर्न पाउने अध्यक्ष सुमन श्रेष्ठले जानकारी दिए । प्रतियोगितामा मोरङका विद्यालयमा अध्यनरत कक्षा तीन देखि दशसम्मका विद्यार्थीहरुले भाग लिन पाउनेछन् । प्रतियोगिताको पहिलो अडिसन जेठ २६ गते रङ्गेली, २७ गते उर्लाबारी÷पथरी, २८ गते लेटाङ्ग, असार २ गते विराटचोक र असार ३ र ४ गते विराटनगरमा हुने संगीत कला मन्दिरको सचिब ज्योती सुब्बाले बताए ।

प्रतियोगितामा तीन वटा चरणबाट छनौट भएका प्रतियोगि फाइनलमा पुग्नेछन् । फाइनलमा पुगेका प्रतियोगिहरुलाई विभिन्न विद्याका विज्ञ प्रशिक्षकद्धारा प्रशिक्षण दिने बताइएको छ । आयोजकले विधागत रुपमा प्रथम, द्धितीय र तृतीय हुनेलाई क्रमशः १० हजार, ५ हजार र ३ हजार रुपैयाँको साथै आकर्षण ट्रफी प्राप्त गर्नेछन् । जस्तै, चित्रकला, नाटक, गीत, नृत्यमा प्रथम, द्धितीय र तृतीय हुने प्रतियोगिले छुटा छुटै रुपमा पुरस्कार प्राप्त गर्ने आयोजकको भनाई छ ।
प्रतियोगिताको सेमिफाइनल तथा फाइनलमा पुगेका प्रतियोगिहरुलाई विभिन्न एवार्डले समेत वितरण गर्ने भएको छ । जसमा बेस्ट फ्रेन्डसिप, मोस्ट डिसिपिलेन, बेस्ट कस्टम, बेस्ट टाइमिङ्ग लगयातको एवार्डहरु रहेको छ ।
विराटनगरमा रहेका युवा कलाकर्मीहरु आवद्ध भएको यस संगीत कला मन्दिर स्थापना भएको पहिलो पटक यस्तो कार्यक्रम आयोजना गर्न लागेको हो । मन्दिरका अध्यक्ष श्रेष्ठ भनछन्, ‘बालप्रतिभाको खोजी गरि राष्ट्रिय स्तरको कलाकार उत्पान गर्न यस प्रतियोगिताले ठूलो भुमिका निर्भाह गर्दछ ।’

तपाईको प्रतिक्रिया

खबर पुर्वान्चल

बिराटनगर, नेपाल

सम्पर्क: ०२१-५२४५८४

इमेल: mail@khabarpurwanchal.com

Khabarpurwanchal is Leading News Company In Eastern Development Region Of Nepal, Providing Up to date Local as well as country crunch News.