विराटनगर, १९ चैत / नेपाल सुंडी समाज केन्द्रीय कार्यसमितिको दोस्रो अधिवेशन सम्पन्न भएको छ ।मोरङको मझारे–९ तरिगामामा आज आयोजित कार्यक्रममा समाजको अधिवेशन सम्पन्न भएको हो ।
पूर्व जिल्ला बन अधिकृत पञ्चलाल साह र आयोजक संस्थाका अध्यक्ष मनोजकुमार शाहलगायतले नेपालका विभिन्न गाउँमा छरिएर रहेका सुंडी जातिको उत्थान, प्रगति र समृद्धिका लागि एकता आवश्यकमा जोड दिए ।
सो अवसरमा सुंडी समाजबाट पहिलो विद्याबारिधि गर्ने प्राध्यापक डाक्टर नन्दलाल साहसहित सुंडी समाजबाट डाक्टर र इन्जीनियर लगायतको अग्रणी पेशा र अध्ययनमा सफलता हासिल गरेका व्यक्तिहरुलाई सम्मान गरिएको थियो ।
अधिवेशनले आगामी ३ वर्षका लागि नयाँ कार्यसमितिसमेत चयन गर्ने जनाइएको छ ।
