पूर्वाञ्चल खबर
२९,कार्तिक,विराटनगर/टंकीसिनवारीका सर्वसाधरणले प्रस्तावित विराटनगर महानगरपालिकामा टंकी सिनवारी गाविसलाई समाहित नगरेको भन्दै सरकारको ध्यानाकर्षण गराएका छन् ।
टंकीवासीहरुले मोरङका सहायक प्रमुख जिल्ला अधिकारी मार्फत सरकारलाइ ज्ञापन पत्र बुझाउदै ध्यानाकर्षण गराएका हुन् ।
भौतिक पूर्वाधार लगायतका हरेक किसिमबाट टंकीसिनवारी महानगरपालिकामा रहन सक्षम रहेको भन्दै टंकीका अगुवा माधव कोइरालाले सहायक प्रमुख जिल्ला अधिकारी शेषनारायण पौडेललाइ ज्ञापनपत्र बुझाएका थिए ।
टंकीसिनवारी बुढीगंगा गाउपालिका भए आफुहरु चरण वद्ध आन्दोलनमा उत्रने उनीहरुले चेतावनी समेत दिएका छन् ।
टंकी विराटनगरमा समाहित नभए सिसवानी बडहरामा गाउँपालिकाको कार्यालय हुने जसले गर्दा आफुहरुलाइ असुविधा हुने उनीहरुको गुनासो छ ।
