एमालेको ११औं अधिवेशनका लागि प्रतिनिधि छनोट गर्ने क्रममा विराटनगरमा तनाव, नेता परशुराम बस्नेतमाथि हातपात

विराटनगर /नेकपा एमालेको ११औं अधिवेशनका लागि प्रतिनिधि छनोट गर्ने क्रममा विराटनगरमा तनावको स्थिति सिर्जना भएको छ।

विवादको मुख्य कारण फर्जी मतदानको प्रयास रहेको बताइएको छ। एमाले नेता पर्शुराम बस्नेतले मतदान स्थलमा एकै व्यक्तिले पटक-पटक अशक्त र अपाङ्गता भएका व्यक्तिहरूको नाममा वारिस बनेर भोट हाल्न खोजेको भन्दै कडा प्रतिवाद गरेका थिए।

यो घटनाले एमालेको आन्तरिक प्रतिस्पर्धामा देखिएको तीव्र गुटबन्दी र असन्तुष्टिलाई सतहमा ल्याएको छ।

अशक्त र वृद्धवृद्धाको नाममा अनधिकृत व्यक्तिले मतदान गर्न खोजेको विषयले उग्र रूप लिएपछि केही बेर मतदान प्रक्रिया नै प्रभावित बन्न पुगेको थियो।