पूर्वाञ्चल खबर
बुद्ध इन्टरनेशनलमा कार्यरत स्टाफ नर्स श्रृजना खड्कालाई घरबाट निकाला गर्ने घरबेटी नारायण आचार्यलाई प्रहरीले नियन्त्रणमा लिएको हो । घोराही उपमहानगरपालिका वडा नम्बर २ का वडा सचिवसमेत रहेका आचार्यले घरमा बस्ने नर्स खड्कालाई घरबाट निकाला गरेको समाचार संचारमाध्यममा आएपछि नियन्त्रणमा लिइएको जिल्ला प्रहरी कार्यालय दाङका प्रमुख एसपी जनक भट्टराईले जानकारी दिए । पीडितले उजुरी दिएपछि मुद्दा प्रक्रिया अघि बढ्ने उनले जानकारी दिए ।
अस्पतालमा धेरै बिरामीहरुसंग सम्पर्क हुने भएकाले आफूहरु असुरक्षित रहने भन्दै घरबेटी आचार्यले कोठा छोड्न दबाब दिएपछि १५ गते खड्का होटेलको कोठामा बस्दै आएकी थिइन् ।
