पूर्वाञ्चल खबर
विराटनगर /मोरङको तीनवटा स्थानीय तहमा विपद् व्यवस्थापन संवन्धि अनुशिक्षण सम्पन्न भएको छ ।
जिल्ला विपद् व्यवस्थापन समिति मोरङको आयोजना तथा सशस्त्र प्रहरी बल नेपाल नम्वर ३ गण हेडक्वाटर, कंकालिनी मोरङको सहजीकरणमा ग्रामथान गाउँपालिकामा विपद् व्यवस्थापन सम्वन्धि अनुशिक्षण सम्पन्न भएको हो ।
वल्र्ड भिजन इन्टरनेशनल र नारी विकास संघ विराटनगरसँगको सहकार्यमा ग्रामथानमा गरिएको अनुशिक्षणमा विशेष गरि विपद्का समयमा गरिने उद्धारमा केन्द्रित रहेको थियो । तालिममा शसस्त्र प्रहरीका एसपी नेत्रबहादुर कार्कीले मोरङका अन्य १४ वटा स्थानीय तहमा पनि विपद् संवन्धि तालिम आवस्यक रहेको बताए । ३ वटा स्थानीय तह पछि अन्य तहमा तालिम गरिने उनले बताए ।
ग्रामथानमा आयोजित अनुशिक्षणमा २८ जनाको सहभागिता रहेको नारी विकास संघका प्रशासकीय अधिकृत हिमान्सु यादवले बताए । उनका अनुसार यसअघि बुढीगंगा र कटहरीमा अनुशिक्षण सम्पन्न भईसकेको बताए ।
