पूर्वाञ्चल खबर
विराटनगर / जिल्ला प्रशासन कार्यालय मोरङले कोरोनाको संक्रमण फैलिन सक्ने भन्दै होली नखेल्न सर्वसाधरणसँग अपिल गरेको छ ।
कोरोनाको विश्वव्यापी संक्रमण र जिल्लामा यस भाइरसको संक्रमण फैलिन नदिन विनाकारण भीडभाडमा नजान र सभा समारोह आयोजना नगर्न समेत आग्रह गरेको छ ।
प्रशासन कार्यालयले आज एक विज्ञप्ती जारी गर्दै उच्च सतर्कताको लागि आग्रह गरेको हो ।
चीनको वुहान आउटब्रेक भएर फैलिएको कोरोना भाइरसको संक्रमण फैलिनसक्ने खतरालाई मध्यनजर गर्दै प्रशासनले कुनै पनि प्रकारको उत्सव, मेलाका कार्यक्रम आयोजना नगर्न भनेको हो । प्रशासनले कोरोनाको जोखिमाम नेपाल रहेको विश्वस्वास्थ्य संगठनले सूचना गरेकोले यसको फैलावट र संक्रमणलाई मध्यनजर गर्दै सचेत हुन पनि आह्वान गरेको छ ।
मोरङका प्रमुख जिल्ला अधिकारी मदन भुजेलले विश्व स्वास्थ्य संगठनले भाइरसको संक्रमण फैलिनसक्ने भन्दै चेतावनी दिएको अवस्थामा नागरिकहरुलाई सतर्कता अपनाउन आग्रह गरिएको बताए ।
